Бүген “ Светофорик” балалар бакчасында шаулап- гөрлэп Нәүруз бәйрәме үтте. Нәүрүз - борыңгы әби-бабаларыбыз үткәргән язны каршылау бәйрәме ул. Яз бәйрәмен әкият геройлары да шатланып көтеп алдылар. Бәйрәмгә Яз гүзәле - Нәүрүзбикә килде. Кар кызы үз биләмәләрен Нәүрүзбикәгә тапшырырга ашыкмады, көч сынашырга дәште. Яз гүзәле Кар кызының барлык шартларын да төгәл үтәп,бәйгеләрдә җинеп чыкты.Нәүрүз җинде, кыш китте, яз килде . Нәүрүзбикә балаларны төрле уеннар белән мавыктырды. Бәйрәмдә халкыбызның дәртле җырларын, борыңгы такмакларын ишеттек, җырлы-биюле уеннарын уйнап, балалар дәртләнеп биеделәр. Шулай ук "карга" боткасы да пеште. Соңыннан аны бергәләп ашау бик күңелле булды.Хөрмәтле әти-әниләр, балалар, хезмәттәшләр! Сезне халкыбызның иң изге йолаларының берсе Язгы яңа ел - Нәүрүз бәйрәме белән котлыйбыз! Саулык-сәламәтлек, бәхет, уңышлар телибез. Барлык өметләрегез дә чынга ашсын!