Милләт белән тел бик тыгыз бәйләнештә тора. Тел югалса, милләт югала, ә милләт – ул халык. Үз телен яхшы белгән кеше генә милләте белән горурлана, аның кадерен белә. Шушы максаттан, « Светофорик» балалар бакчасында туган телләр көненә багышланган “Туган телем – иркә гөлем” дип исемләнгән әдәби-музыкаль кичә узды. Бәйрәмгә бакчада тәрбияләнүче балалар милли киемнәр киделәр. Кичә балаларның татар, рус, чуваш телләрендә сәламләвеннән башланды ,тел һәм туган як турында мәкальләр, әйтемнәр әйтелде, җырлар һәм биюләр дә башкарылды.  Кече яшьтән үк балаларда туган телгә ихтирам тәрбияләсәк, аны хөрмәтләргә өйрәтсәк, без бәхетле буын булыр идек!