15 февраль- Муса Җәлилнең туган көне. Күренекле шагыйребезнең тиңдәшсез батырлыгы белән таныштыру, кече яшьтән үк балалар күңелендә аның әсәрләренә мәхәббәт тәрбияләү максатыннан " Светофорик"  балалар бакчасында,һәр ел саен,герой- шагыйрь иҗатына багышланган кичә үткәрү матур традициягә әверелде. Кичәгә әзерлек барган көннәрдә балалар, ата-аналар һәм төркем җитәкчеләре, Җәлил әсәрләрен кулларына алып кат-кат укыдылар,  яттан өйрәнделәр, ай буе Җәлил рухы белән илһамланып йөрделәр. Әдәби-музыкаль кичә герой-шагыйрьнең " Җырларым" шигыренә язылган җыр белән башланып китте. Балалар төрле елларда язылган шигырьләрен сәхнәләштереп күрсәттеләр, шагыйрьнең  батырлыгын, иҗатына булган мәхәббәтен аеруча билгеләп үттеләр.Яшь буында Ватанга хөрмәт һәм патриотизм хисләре тәрбияләнде.