Һәр милләттә исеме телгә алынуга ук ихтирам уята торган шәхесләр була. Муса Җәлил әнә шундыйларның берсе. Юк, ул исем генә түгел, бәлки тирән мәгънәле символ да. Чөнки бу исемнең синонимнары булып батырлык, кыюлык, каһарманлык, талантлылык, фидакарьлелек кебек сүзләр тора. Ул чыннан да, бу сүзләрнең һәммәсенә дә лаек кеше. Бүген “ Светофорик” балалар бакчасында Герой-шагыйрьнең фаҗигале тормышы һәм иҗат юлын искә алу күргәзмәсе оештырылды. Балалар шагыйрьнең гаилә тормышы, төрле елларда иҗат иткән шигырь җыентыклары белән таныштылар, фатоальбомнарын карадылар. М.Җәлилнең тоткынлыкта да авырлыкларга бирешмәве турында тагын бер кат тыңлап, яхшы үрнәк, сабак алдылар.