Бүгенге көндә балаларны үз ана телендә сөйләшергә, аралашырга өйрәтү,туган телебезне ярату, аңа  карата ихтирам тәрбияләү  иң мөһим мәсьәләләрнең берсе булып тора. Шушы максатларны күздә тотып,  «Светофорик» балалар бакчасында  «Яшь талантлар» түгәрәге эшләп килә. Балаларның  уй-фикерлэрен тиешле эзлеклелектә әйтә, ашыкмыйча сөйли белүләренә ирешү өчен  төрле эш алымнары кулланыла. Бу юнәлештә әти-әниләр дә ярдәм кулы сузарга әзер  торалар. Түгәрәккә йорүче һәр бала төрле республика,  район чараларында теләп катнаша. Киләчәктә  бу балалар халкыбызга лаеклы алмаш булып усәр дип уйлыйбыз.