26 – нчы апрель көнне без бөек шагыйребез Г.Тукайның туган көнен билгеләп үтәбез. Шул уңайдан, бүген “Светофорик” балалар бакчасында  “Без Тукай оныклары” исемле Шаяннар һәм Тапкырлар уены узды. “Күбәләк”, “Шүрәле”, “Су анасы” командалары табышмак формасындагы сорауларга дөрес җаваплар бирделәр, Г.Тукайның матур шигырьләрен сәнгатьле итеп укыдылар. Бергәләп әйлән – бәйлән уйнау, биюләр бәйрәмне тагын да җанландырып, ямьләндереп җибәрде. Бәйрәм татар гимнына әверелгән “Туган тел” җыры белән тәмамланды. Г.Тукай иҗатына багышланган әлеге бәйрәм бик  күңелле узды.