М. Вахитов исемендәге гимназия – Буа районындагы милли база гомуми белем учреждениесе. Гимназиядә Татарстан Республикасында Туган телләр һәм халыклар бердәмлеге елын үткәрүнең еллык планы кабул ителде.Аның бер юнәлеше – укучыларга милли эстетик тәрбия бирү. Республикада эшләп килүче театрлар күрсәткән спектакльләр карау да шул юнәлешкә керә. Юкка гына Г. Тукай да : ”Театр яктылыкка,  нурга илтә, кире юлга җибәрми, уңга илтә”, - дип язмаган.

Әгәр мәктәпне театрга җибәрү мөмкинлеге булмаса,  ул үзе кунакка килү мөмкинлеген таба. Т. Миңнуллин исемендәге Түбән Кама дәүләт драма театры белән дә нәкъ шулай булды. Үл үзе Буага кунакка килде. Ата-аналар рөхсәте белән,  түбән сыйныф укучыларына   Р. Вәлиевнең “Шомбай маҗаралары” (режиссеры -  Р. Зәйнуллин) спектакле күрсәтелде. Укучыларга таныш геройлар белән очрашу ошады. Хәтта кайбер эпизодларда  балалар үзләре дә катнаштылар, артистларны озак алкышлап озаттылар.

Югары сыйныф укучылары А. Баймөхәммәтовның “Калдырма, әни!” (режиссеры  - Р. Ганиев) спектаклен карадылар. Спектакль әти-әниләре үлгән, яисә, исән булып та, ташлап калдырылган балалар йортында тәрбияләнүче балалар турында.  Кырыс шартларда яшәргә мәҗбүр ителгән ятимнәр язмышы бер укучыны да битараф калдырмагандыр, тормышның кыйммәтен, әти-әнинең кадерен ныграк аңларга ярдәм иткәндер.

7 апреля - Всемирный День здоровья. Сегодня обучающиеся гимназии приняли участие в акции "Утренняя подзарядка"

Сегодня воспитанники лагеря участвовали в шахматно-шашечном турнире

Сегодня воспитанники пришкольного лагеря посетили краеведческий музей.

23 нче март көнне Яңа Чәчкап урта мәктәбендә  Г. Исхакый исемендәге премия лауреаты, якташ шагыйрь Әхмәт Рәшит исемендәге “Кояшлы ил” V  республикакүләм фәнни-гамәли конференция үткәрелде.  Конференциягә күренекле шагыйрьләр, язучылар Газинур Морат, Галимҗан Гыйльманов, Рифат Җамал, Рифат Сәлах, Фирүзә Җамалетдинова, Ленар Шәех, авыл хуҗалыгы институты белгечләре, мәктәптә белем алган күренекле шәхесләр  кайткан иде. Бу чарада гимназия укучылары да актив катнашты. Башлангыч сыйныф укучылары үзләренең шигырь сөйләү осталыкларын күрсәтсәләр, 8, 9 нчы сыйныф укучылары эзләнү эшләрен якладылар. Измаилова Аиша (3 нче сыйныф, укытучысы - Сөләйманова З.Р.), Галәтдинова Алинә һәм Хәкимова Адилә  (4 нче сыйныф,  укытучылары - Хәсәнҗанова М.Ә.)  - III  дәрәҗә дипломга, Биктимерова Гүзәл (8 нче сыйныф, укытучысы - Юнысова М.М.) - I дәрәҗә дипломга, Саттарова Энҗе (9 нчы сыйныф, укытучысы - Җәләлова Л.Г.) II дәрәҗә дипломга лаек булдылар. Укучыларга туган телебез сагында торучы ватанпәрвәрләр булып үсүләрен, алда да зур уңышларга ирешүләрен телибез.

Воспитанники лагеря посетили "Импульс"