С 7 апреля по 25 мая 2014 года в школе прошли мероприятия по подготовке и проведению Дня защиты детей.

          Безнең мәктәптә бакча эшләре бар көченә дәвам итә. Март аенда ук инде помидор, чәчәк рассадалары үстерә башладык. Карлар җирдән арынгач мәктәп күләмендә өмә ясап тирә-юнне чип-чиста иттереп куйдык. Барлык укытучыларның һәм укучыларның тырышлыгы белән язгы чәчү эшләрен төгәлләп киләбез. Кишер, кызыл чөгендер, суган тишелеп үсә башладылар. Помидор рассадаларын парникка күчердек, матур булып үсүләрен дәвам итәләр. Алда чәчәкләр, кыяр, кабак утыртасы һәм помидорны ачык туфракка күчерәсе генә кала.

12 мая в школе прошел единый экологический урок.

12  май көнне башлангыч сыйныфларда “Ышаныч телефонына “Әйе” дип җавап бир” исеме астында класс сәгате узды. Укучылар бик зур кызыксыну белән тыңладылар, үзләрен борчыган сорауларга  җавап эзләделәр. Ышаныч телефонын үзләренә теркәп тә куйдылар. Шунысы куандыра, әлегә укучылар арасында зур проблемалы укучы табылмады. Ышаныч телефонына шалтырату теләге белән янучы табылмады. Димәк, тормышлары, балалык чоры бик тыныч үтә. Без моңа бик шат!

8 май көнне 9 класс укучылары Сталанградсугышы ветераны Самерханов Нурлислам бабай белән бәйрәм очрашуы оештырдылар. Бөек Ватан сугышының иң авыр көннәрен үз җилкәсендә үткәргән Ветераныбыз укучыларга үзенең кичерешләрен, бүгенге матур көннәрнең ни бәрәбәренә килүен сөйләде. 

8 май 10,00. сәг.тә Бөек Җиңүнең 69 еллыгына багышланган митинг үтте. Бәйрәмгә чакырылган Бөенк Ватан сугышы ветераннары, Тыл хезмәткәрләре һәм ветераннары, әтиләрен сугышта югалткан авылдашларыбыз алдында мәктәп укучылары матур чыгышлары белән сөендерделәр. Барлык кунакларга озын гомер, матур картлык телибез. Бик күп еллар безне сөендереп яшәгез әле ветераннарыбыз!

2,3,6 класс укучылары Бөек Ватан сугышы ветераны Мөнәвәрә әби Фәхертдиновада бәйрәм белән котлап кунакта булдылар. Әби үзенең сугыш елы кичерешләре, Ленинград блокадасы вакыйгалары белән таныштырды. Балаларны бик яратып көтеп ала Мөнәвәрә әби, шуңа да балалар аның янында булырга яраталар. Әби ахырдан үзенең пешергән сый-нигъмәтләре белән тулы өстәле янына чакырды.

7 май көнне 4 нче сыйныф укучылары Бөек Ватан сугышында катнашкан ветеран Хисамов Рифкать абый белән очрашуда булып кайттылар. Ветеран тирән мәгънәле, эчтәлекле фикерләре белән уртаклашты. Безгә, яшь буынга, тынычлыкның кадерен белергә, дөньялыкта сугышларсыз гомер итеп, бәхетле булып яшәргә өндәде.

6 май к. ө нне 3 сыйныф укучысы Гыйниятуллина Ильвина район күләмендә узган "Ел укучысы" конкурсында катнашып 2 урынны яулады. . Ильвинаны БУ конкурста җиңүе белән  котлыйбыз.

Бөек Җиңүнең 69 еллыгы уңаеннан 6 май көнне 7-8 класс укучылары авылдашыбыз Бөек Ватан сугышы ветераны - Ленинград блокадасын кичергән Фәхертдинова Мөнәвәрә апа белән очрашуга барды. Ул үзләре кичергән авыр сугыш еллары, 8 бала анасы булуын, укытучы булып эшләве турында сөйләде. Безгә тыныч тормыш, кирәкле кешеләр булып яшәвебезне теләде.