21 нче гыйнвар көнне  9, 11 нче сыйныф укучыларының ата-аналары җыелышы булды. Барлык ата-аналар да катнашты. Җыелышта укучыларның 1 нче яртыеллыкта үткәрелгән сынау тестированиеләренең нәтиҗәләре; район күләмендә үткәрелгән тест эшләренең нәтиҗәләре презентацияләр рәвешендә күрсәтелде.  ЕГЭ һәм ОГЭ расписаниеләре белән таныштырылдылар. 9 нсы сыйныф укучылары өчен үткәрелә торган телдән аралашу (әңгәмә) процедурасы турында аңлатылды. Үткәрү вакыты, урыны, тәртибе, үткәрү методикасы аңлатылды. Укучыларга заявлениеләр, ата-аналарга согласиеләр яздырылды. 

“Укучының мәдәни көндәлеге” порталы уздырган  “Доброта спасёт мир” видео бәйгесендә катнашып мәктәбебез укучысы Сабирҗанова Язилә җиңү яулады һәм Казан Кремлендә урнашкан “Манеж”күргәзмәләр залына “Кыш бабай һәм барысы,барысы”яңа ел тамашасына чакыру билеты белән бүләкләнде.

«Укучының мәдәни көндәлеге” порталында бәйгеләр оештырыла. Бу бәйгеләрнең беренче этабында мәктәбебез укучылары да җиңүчеләр  булдылар. 4нче сыйныф укучылары Сабирҗанова Язилә һәм Сәмитова Алинәләр Татарстан Республикасы Президенты катнашлыгында уза торган Чыршы бәйрәменә чакыру билеты белән бүләкләнделәр. Афәрин,кызлар!!!

   Конкурс дәвам итә. Дәрестән тыш чараны безнең укытучыбыз Ә.Еникиның “Әйтелмәгән васыять” повесте буенча “Рәнҗетмикче әнкәйләрне!” дигән темага үткәрде.

    27 нче декабрь көнне Россия һәм республика фән олимпиадаларынын муниципаль этабында җиңү яулаган укучыларны котлау һәм бүләкләү тантанасы булды. Бу зур тантанада рус теле һәм татар теле һәм әдәбияты фәннәреннән җиңү яулаган 2 укучыбыз да катнашты. Җиңүчеләр хөрмәтенә бик матур концерт номерлары күрсәттеләр. Укучылар өчен гаять шәп тамаша булды, без бик канәгать. Балаларыбыз хезмәтен шулай зурлаган өчен бу чараны оештыручыларга, район һәм РОО җитәкчеләренә, методистларга зур рәхмәт. Яңа елда да уңышларыбыз күп булсын. Укучыларыбызга тырышлык, тел ачкычлары, зиһен аеклыклары телибез.

 28 нче декабрьдә   беренче яртыеллык нәтиҗәләре буенча педсовет утырышы үтте. Анда укучыларның өлгереше, тәртибе, ирешкән уңышлары турында сөйләштек. Пробный ЕГЭ, ОГЭ нәтиҗәләре турында фикер алыштык. Имтиханнардагы үзгәрешләр турындагы документлар белән таныштык. Олимпиадаларда ирешкән уңышларыбыз һәм җитешсезлекләребез турында фикерләштек. Икенче яртыеллыкка бурычлар билгеләдек.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             

  25 нче декабрь көнне мәктәбебездә шаулап-гөрләп Яңа ел бәйрәмнәре узып китте. Ул башлангыч сыйныф укучыларының ёлка  бәйрәме белән башланды. Укучылар Кыш бабай белән Кар кызына бик матур җырлар, шигырьләр, күмәк биюләр әзерләгәннәр иде. Бәйрәмне карарга әти-әниләр дә килде. Балаларга Яңа ел күчтәнәчләре дә өләшенде. Бәйрәм бик күңелле үтте.

Кышкы каникуллар башланды. Укучыларга тормыш куркынычсызлыгы кагыйдәләрен, урамда, юлда, төрле җәмәгать урыннарында үз-үзеңне ничек тоту кагыйдәләрен исләренә төшереп класс сәгатьләре үткәрелде, гомуми линейкага җыелып сөйләштек, махсус журналларга куллар куйдырылды. Каникул көннәрен кызыклы да, файдалы да һәм куркынычсыз да  итеп үткәрү юллары турында аңлатылды. Балаларның исәнлеге, куркынычсызлыгы, иминлеге өчен әти-әниләрнең дә җаваплы икәнлекләре искәртелде. Имтиханнарга, олимпиадаларга әзерләнергә кирәклекне дә онытмаска кушылды.

Урта һәм югары сыйныф укучылары Яңа ел бәйрәмен тагын да дәртлерәк җырлар, биюләр, уеннар белән бизәделәр. Алар махсус программа буенча әзерләнгәннәр иде. Кыш бабай белән Кар кызын эзләп-табып бәйрәмгә алып килүләре турында видиоролик эшләп, сюрприз да күрсәттеләр. Яңа ел һәркемгә уңышлар, шатлыклар гына алып килсен.

Һәр елны традицион рәвештә мәктәптә лотерея уеннары оештырыла. Быел да бу уен читләтеп үтмәде. Укучылар бик матур бүләкләр оттылар. Ә төп сюрприз-бүләк - -әтәч Ильназга чыкты.