Бүгенге аяз күгебез өчен бик зур рәхмәт Сезгә!

     Муса Җәлилнең тууына 110 ел туган көнне без быел, Һ.Атласи исемендәге татар гимназиясе укучыларын кунакка чакырып,  “Бүгенге аяз күгебез өчен бик зур рәхмәт Сезгә!” исемле әдәби кичә итеп үткәрдек.

     Анда Ф.Кәрим, Г.Кутуй тормышы, батырлыгы һәм иҗатын да “җанландырып”, икенче өлеш тулысы белән  Муса Җәлилгә багышландңы: тормыш юлын чагылдырган фильмнан өзекләр карадык, шигырьләрен сәнгатьле итеп яттан сөйләдек. Соңыннан батыр әдип турында белемнәребезне тикшерүче әдби викторина булды. Шунысы гына бераз эчне пошырды: башлангычта, урта һәм  югары сыйныфларда Муса Җәлил иҗаты белән 7-8 тапкыр “очрашуыбызга”, вакытлы матбугатта аның турында язмалар еш басылып торуга  карамастан, әдип һәм аның иҗаты, батырлыгы турындагы сорауларга 8генә студент һәм укучы төгәл җаваплар бирде. Югыйсә викторина материалын  5, 7, 11нче сыйныф әдәбият дәреслекләре һәм “Бөгелмә авазы”ның соңгы номерларында дөнья күргән материаллардан алган идек.

                                  Миләүшә Биккина,

                                  Бөгелмә һөнәри педогогия көллияте