4 ноябрь көнне  2 нче лицейда “ФДББС шартларында татар теле һәм әдәбият укытучыларының компетентлыгын камилләштерү юллары” темасына семинар үтте. Семинарда Бөгелмә муниципаль  районы мәктәпләреннән 25 татар теле һәм әдәбияты укытучысы катнашты.

Аның эшен Бөгелмә муниципаль  районы мәгариф идарәсе методисты Ф.Т.Мәхмүтова  ачты. Ул, “Россия Федерациясенең мәгариф турындагы” Законы, федераль дәүләт белем стандартларына таянып, татар теле һәм әдәбиятын укытудагы үзгәрешләр, укытучылар алдына куелган бурычлар турында сөйләде.

Лицейның милли мәсьәләләр буенча директор урынбасары Зәйнуллина Ф.В. “Милли мәгарифнең сыйфатын күтәрү шарты буларак, укытучының һөнәри һәм шәхси үсеше белән идарә итү” дигән темага чыгыш ясады, семинарда катнашучыларны  лицей укытучыларының эш тәҗрибәсе белән таныштырды.  Укытучылар игътибарына “Татар телен һәм әдәбиятын укытуда интерактив технологияләр куллану”( Бәдретдинова А.Т.,  Хәйбуллина Г.М.),“Проект методын кулланып, иҗади шәхес тәрбияләү” (Миргасимова Г.Т.), “Татар теле һәм әдәбияты дәресләрендә предметара белем бирүне оештыру” (Невметулина Г.Ф.),“Балалар бакчасы һәм мәктәпнең эш системасында дәвамчанлык”(Хөснетдинова Р.Р.), “Татар телен һәм әдәбиятын укыту процессында  әхлакый тәрбия бирү                үзенчәлекләре”(Артыкбаева А.А.) темаларына чыгышлар  тәкъдим ителде.

Түгәрәк өстәл артында семинар эшенә йомгак ясалды, ул уңышлы дип билгеләнде.