« Татар телем-назлы гөлем..»

Туган телләр һәм халыклар бердәмлеге елы уңаеннан 16 ноябрь көнне 2 нче лицейда «Туган телем, назлы гөлем» дип аталган чара булып узды. Һәр халыкның туган теле – аның мәдәнияте, тарихи көзгесе. Кичәнең кунагы -  шәһәребезнең татар милли мәдәният үзәге вәкиле, Татарстан Республикасының атказанган мәдәният хезмәткәре Флюра Әхмәтвәли кызы Шәрипова иде. 8В сыйныфы укучылары, килгән кунагыбыз китапханәдә оештырылган китаплар күргәзмәсе белән таныштылар. Флюра Әхмәтвәли кызы укучыларга туган тел, туган як турында шигырьләр укыды. Кечкенә юморескаларны чын артистларча сөйләве кичәдә булган бар кешене таң калдырды. Укучылар да чарада актив катнаштылар. Кунагыбыз алып килгән кечкенә сандыктагы татар хатын-кызларның бизәнү әйберләре турында күп мәгълүмат алдылар. Сөйләм осталыгы буенча үткәрелгән мастер-класс бар кешегә дә ошады.

Коронавирус йогышлы авыруын таралуны булдырмау максатыннан Роспотребнадзор тарафыннан каралган барлык тәкъдимнәр, таләпләр искә  алынды.

В рамках Года родных языков и народного единства, в лицее совместно с представителем Татарского национального центра было проведено мероприятие “Туган телем, назлы гөлем”. Гость мероприятия – заслуженный работник культуры РТ Шарипова Флера Ахметвалиевна.  Ученики 8В класса и гостья познакомились с книжной выставкой. В исполнении Флеры Ахметвалиевны прозвучали стихи, юморески на родном языке. Ученики приняли активное участие, также познакомились с женскими татарскими национальными украшениями.

Мероприятие прошло с соблюдением санитарных требований, связанных с профилактикой распространения коронавирусной инфекции.