12 февраль көнне 2 нче лицей китапханәсендә 10 нчы сыйныф укучылары өчен (укытучылары Невметулина Г.Ф. һәм Зәйнуллина Ф.В.), халкыбызның бөек улы, шагыйрь Муса Җәлилнең туган көненә карата “Батырлыгы калыр гасырларда” дип аталган батырлык дәресләре узды.
Алып баручы кызлар татар һәм рус телендә каһарман шәхеснең тормыш юлын чагылдырган, эчтәлекле мәгълүмат белән таныштырдылар. Шул ук вакытта  шагыйрьнең иҗатын да искә алдылар: ике телдә дә шигырьләре укылды. Дәреснең ахырында М.Җәлилнең тоткынлыкта иҗат иткән шигырьләре тупланган “Моабит дәфтәре” турында фильмнан өзекләр һәм “Батырлыгы калыр гасырларда” дигән документаль фильм күрсәтелде. 
М. Җәлилнең әсәрләре кешеләрдә матур, гуманистик тойгылар уята, аларны тормыштагы матурлыкны күрергә һәм шул матурлык өчен көрәшергә чакыра. 

В лицее прошли уроки мужества «Мужество останется в веках», посвященные памяти поэта Мусы Джалиля. Ученики вспомнили о жизни и творчестве поэта, об антифашисткой деятельности в плену, прочитали на двух языках стихи. Посмотрели отрывки из кинофильма “Моабитская тетрадь” и документальный фильм “Мужество останется в веках”. Творчество поэта и сегодня никого не оставляет равнодушным.