Баулы шәһәренең 7нче мәктәбендә үткәрелгән "Туган тел" бәйрәмендә "Ватан" фестивалендә катнашып 1 нче урын алган бию коллективы Диплом һәм бүләкләр белән бүләкләнде. Бию коллективының җитәкчесе Айсылу Зайтуновна.

Бүген авыл медпунктыннан медсестралар "Чисталык - сәламәтлек нигезе" темасына 7-11 сыйныф укучылары белән әңгәмә үткәрделәр.

 чисталык-пөхтәлек тәрбияләүне алар максат итеп куйдылар.         

Баулы районында Бөек Ватан сугышында Җиңүнең 70 еллыгына багышланган “Солдат яулыгы” акциясе старт алды.

 Әлеге конкурста теләге булган һәрбер кеше катнаша ала. Бары тик 30га 30 сантиметр булган төрле төстәге материя кисәге алырга анда чигеп я фломастер белән сугышта катнашкан туганыгыз турында түбәндәге формада мәгълүмат язарга кирәк: фамилия, исеме, отчествасы, туган елы, хәрби исеме, бүләкләре. Әлеге акциядә мәктәбебез укучылары бик теләп катнаштылар.

  Казан артындагы бер урманнан

Тукай мине табып танытты.

Бүген мине күпме кеше белә,

Күпме бала мине яратты.

Былтыр кысып китте бармагымны

Тик аңарга үпкәм юк күптән.

Үзем зарар салмак идем аңа,

Начар гамәл кылмам мин бүтән.

1-7 сыйныф укучылары  аның шигырьләрен, әкиятләрен яратып укыйлар. Алар буенча рәсемнәр дә ясыйлар.

Без мәктәп биләмәләрен кардан чистартабыз.

Бөек җиңүнең 70 еллыгын каршылап Әминә Нурахметовна ачык класс сәгате үткәрде. Максаты: Бөек Ватан сугышы елларында халкыбызның фронтта һәм тылда күрсәткән тиңдәшсез батырлыгы үрнәкләре белән яшь буынны таныштыру; буыннар арасындагы бәйләнешне ныгыту; укучылар күңелендә сугыш чорын, сугыштан соңгы җимереклекләрне төзәтү авырлыгын кичергән, намуслы хезмәте белән көн күргән сугыш һәм тыл ветераннарына олы хөрмәт хисе тәрбияләү, гадел , тату, эшчән, шәфкатьле булырга омтылыш уяту, укучыларны эзләнү эшенә тарту; гаилә, нәсел тарихы белән кызыксындыру; аларның иҗади сәләтләрен, матур сөйләү күнекмәләрен үстерү.

Кошлар - безнең дуслар!  2-3 нче сыйныф җитәкчесе Рәшидә Сәетгалиевна кошлар көненә башлангыч сыйныф укучылары белән КВН   үткәрде.

Кошлар – безнең дусларыбыз. Апрель аенда мәктәп күләмендә якын дусларыбызга багышланып тематик күргәзмәләр эшләде, викториналар, бәйрәм-кичәлэр  үткәрелде. Шунысы сөендерә, укучыларыбыз кошлар турында бик мәгълүматлы. Бик матур рәсемнәр ясадылар, кош оялары ясап, мәктәп биләмәсендәге агачларга элеп куйдык. Без – табигать балалары. Кеше табигать белән бербөтен ул. Табигатькә мәрхәмәтле булыйк!!!

Бүген Баулы шәһәренең Аграр колледжы белән 9-11 сыйныф укучылары очрашты. Укучылар Аграр колледж вәкилләренә үзләрен кызыксындырган сораулар бирделәр.