Бүген мәктәптә Чисталык дәресләре үтте.  Башлангыч сыйныф укучылары бу көнне табигатькә экскурсиягә бардылар, өлкән класс укучылары агач утырттылар, чишмәләрне чистарттылар, мәктәп янын җыештырдылар һәм сыйныф сәгатьләрендә чисталык турында сөйләштеләр.

"Хезмәткә һәм оборонага әзер!" программасы кысаларында мәктәбебездә төрле чаралар узды. Бу чарага ветеран-укытучы Асылов Ринат Мусагитович чакырылды. Ул балалар белән сәламәтлек, туган илне саклау һәм ярату турында әңгәмә үткәрде. Укучылар бик кызыксынып тыңладылар.

5 сентябрь көнне финанс белем бирү дәресләре үтте. Башлангыч сыйныф укучылары өчен Рәшидә Сәетгалиевна "Нәрсә ул бюджет?" темасы буенча әңгәмә , ә Әминә Нурахметовна 5-11 нче сыйныф укучылары өчен уен үткәрде. 

Бүген “Сәламәтлек көне” узды. Ул барлык сыйныфларда да “Сәламәтлек дәресләре” белән башланды. 10 сыйныфтагы 68 укучы бала белән 4 төрле чара үтте. Башлангыч сыйныфлар дәресләрдән соң – спорт-шоу, ә V-XI сыйныфлар Кече сабантуй үткәрделәр. IX-XI сыйныфларда укучы егетләр  мини-футболда көч сынаштылар. 

Айлык кысаларында мәктәптә укучыларның үзләрен тиешенчә тотулары буенча тренировка эвакуациясе үткәрелде. Мәктәпкә эвакуация өчен ике минут таләп ителде. 

Менә Беренче сентябрь да килеп җитте. Көзнең һәм көз белән бергә Яңа уку елының башлануын белдереп, җиз кыңгырау чылтырый. Бу чың мәктәп бусагасын әле яңа гына атлап кергән сабый балага да, инде чәчләренә ак кырау кунган өлкән яшьтәге укытучыга да бердәй тәэсир итә: күңелләрне кытыклап, каядыр ашкындыра, йөрәкләрдә әллә нинди өметләр уята, сөендерә. Бу көн әти-әниләрне дә битараф калдырмый. Алар да шундый ук шатлык хисләрен кичерә.  

Әйе, күзләрдән яшь китерә торган иң тылсымлы бәйрәмнәрнең берсе ул 1 нче сентябрь. Әнә шундый уңай хисләр белән башланып киткән яңа уку елы барыбызга да уңышлар гына алып килсен иде.

Коллегаларым, һәрберегезгә дә сәламәтлек, гаилә бәхете телим, гел шатлыклар гына кичереп, рәхәтләнеп эшләргә язсын сезгә бу уку елында.

 1 нче сентябрь иртәсе укучылар өчен Батырлык дәресе белән башланып китте. Башлангыч сыйныф укучылары өчен Рәшидә Сәетгалиевна Беренче Бөек Ватан сугышы турында укучылар белән әңгәмә үткәрде. 

Туган җир,туган як, туган  авыл... Һәркем өчен изге,газиз, кадерле ул. Безнең һәрберебезнең  газиз туган йорты, туган авылы бар.  Һәр авылның үзенә генә хас, кабатланмас, истәлекле урыннары,горурланырлык күренекле шәхесләре була. Туган төбәгебезнең һәр агачы , һәр сукмагы, һәр кешесе безгә таныш якын. 

Тантаналы линейкадан соң һәр сыйныфта Туган якка багышланган класс сәгатьләре үтте. Класс сәгатенә тыл ветераннары, ветеран укытучылар чакырылды. Укучылар бик кызыксынып тыңладылар.

Лагерьга йөрүче балалар бүген план буенча мәктәп алдындагы асфальтта командаларга бүленеп рәсем ясау конкурсы үткәрделәр. "Хәзинә" эзләделәр.