Муниципальное бюджетное общеобразовательное учреждение "Татарско-Кандызская основная общеобразовательная школа» Бавлинского муниципального района Республики Татарстан / Татарстан Республикасы Баулы муниципаль районы «Татар Кандызы төп гомуми белем бирү мәктәбе» гомумибелем муниципаль бюджет учреждениясе
Визитная карточка
Адрес: | 423923, Республика Татарстан, Бавлинский район, с. Татарский Кандыз, ул. Школьная, д. 2 |
Телефон: | +7(855)-693-53-12 |
E-Mail: | tat.kandyz84@mail.ru, Stknd.Bav@tatar.ru |
Министерство: | Министерство образования и науки Республики Татарстан |
Короткое название: | МБОУ "Тат.Кандызская ООШ" |
Руководитель: | Халиуллин Ильшат Шамилевич |
Год основания учреждения: | 1984 |
У нас учатся: | 48 учащихся, 8 дошкольников - 48 укучы, 8 мәктәпкәчә яшьтәге балалар |
У нас учат: | 10 учителя, 1 воспитатель - 10 укытучы, 1 тәрбияче |
Муниципальное бюджетное общеобразовательное учреждение "Татарско-Кандызская основная общеобразовательная школа» Бавлинского муниципального района Республики Татарстан / Татарстан Республикасы Баулы муниципаль районы «Татар Кандызы төп гомуми белем бирү мәктәбе» гомумибелем муниципаль бюджет учреждениясе - новости
Страницы: << 41 42 43 44 ( 45 ) 46 47 48 49 50 >>
-
Шагыйрь Рәшит Әхмәтҗановны искә алу кичәсе 16.04.201616 апрель авылыбызның мәдәният йортында авылдашыбыз шагыйрь Рәшит Әхмәтҗановны искә алу кичәсе үткәрелде. Рәшит абый бүген исән булса, аңа 75 яшь булыр иде.Кичәне Кандыз авылының китапханә мөдире Насибуллина Гөлнур Нурсаетовна һәм тарих, җәмгыять белеме укытучысы Ахметзянова Роза Гамировна оештырды.Сәхнә бәйрәмчә бизәлгән иде. Кичә җыр һәм шигырьләр белән үрелеп барды. Авылыбызның үзешчән артистлары Рәшит абый шигырьләренә иҗат ителгән җырлар башкарды, укучылар аның шигырьләрен сөйләп тамашачыны шатландырды. Ә инде Баулы шәһәреннән килгән Татарстанның атказанган мәдәният хезмәткәре, җырчы Саҗидә Әхмәтҗанованың һәм баянчы Зәйтүн абыйның чыгышы бәйрәмне тагын да ямьләндереп җибәрде.Рәшит абыйның энесе авылдашыбыз, шагыйрь Сәгыйть Әхмәтҗанов аңа атап язган шигырен укыды һәм җырлар башкарды. Аның турында хәтирәләр белән уртаклашты.Кичәнең ахырында ТНВ каналы тарафыннан төшерелгән Рәшит абый Әхмәтҗанов иҗатына багышланган фильм күрсәтелде.Кичә бик матур узды, барлык тамашачыларның күңелләренә хуш килде.Кичәне оештыручыларга һәм барлык катнашучы укытучы, укучы, килгән артистларга бик зур рәхмәт!
-
Мәктәпкәчә яшьтәге балалар өчен шигырь конкурсы 15.04.2016
Татар халкының бөек шагыйре Габдулла Тукайга 130 ел тулу уңаеннан Баулы шәһәренең 7 санлы балалар бакчасында шигырь сөйләү конкурсы булып узды. Анда безнең мәктәпкәчә яшьтәге балалар төркемендә тәрбияләнүче Нигмаева Айсылу 1 урын яулады (тәрбиячесе Зарирзянова Т.М). Котлыйбыз! Уңышлар теләп калабыз.
-
Язгы өмә 15.04.2016
Яз килде, үзе белән эшләр дә алып килгән. Елдагыча мәктәп территориясен чистарту эшләрен башлап җибәрдек. Бүген 6-11 нчы сыйныф укучылары спорт мәйданчыгы, агачлар утыртылган үләнле җирләрне тырмалап куйдылар. Эшебезне хуплап, шәп итеп яшенләп яңгыр да явып узды. Яңа гына калыккан үләннәр тагында яшелләнеп, күтәрелеп китте.
-
Тукай әсәрләрен сәхнәләштерү конкурсы 15.04.2016Бүген Баулы шәһәренең I нче санлы мәктәбендә Г.Тукайның 130-еллыгына багышланган Тукай әсәрләрен сәхнәләштерү конкурсы булып узды. Безнең Кандыз мәктәбенең 7 нче сыйныф укучылары Г.Тукайның “Су анасы” әсәрен сәхнәләштерде. Конкурста катнашучыларга күп еллар мәгариф бүлеге башлыгы булып эшләгән Шараева Рәзинә Закирзяновна җитәкчелегендәге жюри бәя бирде. Укучыларыбыз бик тырышып уйнады. Рольләрне оста башкарып I нче урынга лаек булдылар. МО-ЛОД-ЦЫ!!!Бу җиңү соңгысы булмас дип ышанып калабыз. Аларны эзерләгән укытучыларыбызга: Халиуллина Р.Н., Гайфуллина С.Ш., Фатхуллина Л.М., Вагизова Г.З. һәм барлык-барлык ярдәм иткән укытучыларыбызга бик зур рәхмәт!
-
Тукайга ияреп: "Су анасы" әкияте 13.04.2016
Татар теле укытучысы Халиуллина Раушания Насибулловна җитәкчелегендә 7 нче сыйныф укучылары Г.Тукайның "Су анасы" әкиятен сәхнәләштерде. Аларның чыгышын карарга мәктәпкәчә яшьтәге балалар һәм 1-4 сыйныф укучылары чагырылды.
-
12 апрель - Космонавтика көне! 12.04.2016Безнең тагын бер язгы бәйрәмебез бар : 12 апрельдә Космонавтика көнен билгеләп үтәбез. Быел аеруча истәлекле ел: Космоска менүгә 55 ел тула.1961 нче елның 12 апрелендә, дөньяда беренче буларак, бортына кеше утырган "Восток” космик корабле җир тирәли орбитага чыгарылды. Бу кеше – очучы – космонавт Юрий Алексеевич Гагарин иде. Ул илебез хөкүмәте тапшырган эшне үтәде.Кеше Галәмдә! Галәмдә кеше!Тышта яз идеКүкләр зәп – зәңгәр.Таралды кинәтШатлыклы хәбәр.Кеше Галәмдә!Бу нинди яхшыДимәк, ул аныңИшеген ачты.Юрий Гагарин –Исеме аныңУл хәбәр итәБиектән барын.Таулар, елгалар,Шәһәрләр күркәм:Дала һәм кырларЯмь – яшел үлән.Ул, Галәм гизеп,Исән – сау төште.Ни бар соң җирдәКешедән көчле!
-
Космотавтика көне уңаеннан 12.04.2016
Космонавтика һәм авиация көне уңаеннан мәктәп директоры Халиуллин Илшат Шамил улы 7-11сыныфлар белән әңгәмә үткәрде. Укучыларга кызыклы һәм тирән эчтәлекле презентация күрсәтелде.
-
Тукай әкиятләре мультфильмнарда 11.04.2016
1-5 сыйныф укучылары Габдулла Тукайның тууына 130 ел тулу уңаеннан уздырылган айлык кысаларында, аның әкиятләренә төшерелгән мульфильмнар карап уздылар
-
"Компьютерная грамотность" турнирында катнашу 08.04.2016
8 апрель көнне мәктәп укучыларыбыз Халиуллина Миләүшә һәм Галиуллина Энҗе "Компьютерная грамотность" буенча республика турнирының "Электрон газета" номинациясендә катнаштылар. Аларны әзерләүче Гөлнара Зуфаровнага зур рәхмәтебезне белдерәбез!
-
Халыкара балалар китабы көне 07.04.2016
Баулы үзәк китапханәсендә Тукайның 130 еллыгына багышланган халыкара балалар китабы көне үткәрелде. Бу бәйрәмдә безнең мәктәп укучыларыбыз Шакирзянов Ислам, Вагизов Рәмзил, Ахметзянов Илнар катнашып җинүче дипломнарына лаек булдылар. Аларны әзерләгән Раушания Мирхатимовнага һәм әти-әниләренә рәхмәт!