Мәктәп укучылары тимурчылык эшен яратып башкара.

Субаш төп гомуми белем мәктәбендә чираттагы педсовет үткәрелде. Тема: "Балалар бакчасыннан башлангыч мәктәпкә күчеш". Балалар  бакчасы тәрбиячесе  Николаева В.Н чыгышы аеруча кызыксыну тудырды. Уен элементлары белән аралаштырылып барды. 

11 нче гыйнвар - Заповедниклар һәм милли парклар көне. 5 нче сыйныфта (сыйныф җитәкчесе Габитова С.И) шушы темага багышланган класс сәгате үтте. Укучылар Россия, Татарстан һәм район заповедниклары турында күп мәгълумат алды.

Яңа ел бәйрәмнәре якынлашканда авылыбыз матур кар сыннары белән бизәлә. Салкын карны да җанландыра ала  укучылар, укытучылар, төрле һөнәр ияләре. Аларның кулларында гына төрле әкият геройлары, юмарт Кыш бабай һәм сөйкемле Кар кызы, җәнлек- җанварлар терелә. Барлык кар сыннары үз яннарына дәшеп тора, балачак иленә алып кайта, кәефне күтәрә. Мәктәп  коллективы һәм укучылары да ел саен кар сыннары ясап сөендерә.

Мәктәпкәчә яшьтәге балалар белән Яңа ел бәйрәме.

Яңа елга алып керик

Тынычлыкны, шатлыкны,

Хезмәтне һәм  хөрмәтне,

Бәхетне, тырышлыкны,

Татулыкны, дуслыкны.

Нурмухаметова Ф.Н. оештырган "Яңа ел кил безгә" дип исемләнгән  кичәдә 1-5 сыйныф укучылыра күңелле ял итте.