16нчы апрель Арча районы беренчелегенә оештырылган спортзал шартларындагы туризм ярышында мәктәбебез укучылары уңышлы чыгыш ясап, 1 урынга лаек булды.  

"Спортивный Татарстан" акциясе кысасында "ГТО для всех" дип аталган чара үткәрелде.   

Республика күләм "Спортивный Татарстан"  акциясын укучылар табигатьттә массакүләм йөгереш белән башлап җибәрде.    

14.04 көнне, Г.Тукайның тууына 130 еллыгы уңаеннан, китапханәче Фәезова Эльмира Мисаеловна 6-7 нче сыйныф укучылары арасында Тукайның тормыш юлын, иҗатын, истәлекле урыннарны эченә алган сораулардан төзелгән  “Безнең уен” интеллектуаль бәйгесен үткәрде. Бу ярышта 6 нчы сыйныф укучылары җиңү яулады.

Буген, 13 апрель көнне мәктәбебездә көтеп алынган "Тукай ул -сүнмәс йолдыз!" кичәсе булып узды.Кичәбезнең шәхси кунаклары булып " Казан утлары "  журналының баш мөхәррире - Илфак Мирза улы Ибрахимов һәм аның иҗат коллективы иде. Укучыларыбыз үзләренең чыгышлары белән килгән кунакларыбызның, карап утырган  барлык укучы һәм укытучыларыбызның йөзләренә нур аттылар,аларны балачак вакытларына кире кайтырга мәҗбүр иттеләр. Ә инде кичә ахырында һәрбер балага  "Казан утлары" журналы бүләк ителде.

Бүген мәктәптә Космонавтика көненә багышланган класс сәгатьләре үтте.  Укучылар беренче очучы-космонавт Ю.А.Гагарин язмышы  һәм аның  космоска  тәүге очуы белән таныштылар, презентация һәм видеороликлар карадылар.

Кукмара муниципаль районы беренчелегенә уздырылган кул көрәше ярышында мәктәбебез укучылары 1 урын алып кайтты. Җитәкчеләре Гайнетдинов Ф.Ф.