Габдулла Тукайның тууына  130 ел

 18-апрель   көнне    Түнтәр урта мәктәбенең 5 нче сыйныф укучылары   татар теле һәм әдәбияты укытучысы Нәкыйпова Л.М.  белән  авыл китапханәсендә  булдылар.  Китапханәче Гөлнур  апа   алар өчен “Тукай эзләре буйлап”  дигән  чара оештырды.Укучылар  чарада актив катнаштылар. Тукай шигырьләрен   яттан сөйләделәр. “Тапкырлар  һәм   зирәкләр”  бәйгесендә  сорауларга  җаваплар бирделәр. Чара эчтәлекле һәм укучылар өчен мавыктыргыч  үтте.

“Әти, әни һәм мин – спорт гаиләсе” бәйрәме

Мәктәптә “Спортивный Татарстан” акциясенә старт бирелде. Әлеге акция кысаларында “Әти, әни һәм мин – спорт гаиләсе”дигән  бәйрәм үткәрелде. Хабибуллиннар, Шәриповлар, Гыйльмановлар гаиләләре көчлелектә, җитезлектә һәм тапкырлыкта көч сынаштылар. Бәйрәм күңелле үтте.

Габдулла  Тукайның  130 еллыгы уңаеннан

Сигезенче сыйныф укучысы Хәйруллина Илүзә Габдулла Тукайның 130 еллыгы уңаеннан үткәрелгән районкүләм Тукай укуларында катнашты. “Шигърияттә Тукай образы”дип исемләнгән эзләнү эше буенча чыгыш ясап, III дәрәҗә Дипломга лаек булды. (Җитәкчесе-Нәкыйпова Л.М.  )

К о т л ы й б ы з!

Габдулла  Тукайның  130 еллыгы уңаеннан

Көшкәтбаш башлангыч сыйныф укучылары  район күләмендә үткәрелгән   Габдулла  Тукай әсәрләрен  сәхнәләштерү бәйгесендә җиңүче булдылар һәм I  дәрәҗә Диплом белән  бүләкләнделәр. (Җитәкчеләре-Рахматуллина Г.Х., Гыйниятуллина Ф.Ф., Бәдертдинова И.И., Гарифуллин Р.Х.) Афәрин!  Котлыйбыз!

12 апрель – Космонавтика көне

Физика укытучысы Ибраһимов А.В. 9-11 сыйныф укучылары өчен  “Кеше һәм галәм” дигән класс сәгате үткәрде. Укучыларга кызыклы итеп Ю.Гагаринның беренче очышы турында сөйләде һәм видеоролик күрсәтте. 

12 апрель – Космонавтика көне

Башлангыч сыйныф укучылары Бөтендөнья авиация һәм космонавтика көненә карата үткәрелгән класс сәгатенә ветеран укытучы Зарипов Р.Ш.ны очрашуга чакырдылар. Ул аларны беренче очучы-космонавт Ю.А.Гагарин язмышы һәм аның космоска тәүге очуы белән таныштырды.

“108 минут Ю.Гагарин белән бергә” акциясе

“108 минут Ю.Гагарин белән бергә” акциясе кысаларында мәктәптә чаралар үтте. Укытучы Гарифуллина Р.Р 5-7 сыйныф укучылары өчен класс сәгате үткәрде. Әлеге класс сәгатендә Ю.Гагарин һәм аның батырлыгы турында сөйләштеләр, презентация карадылар.

    Түнтәр  урта мәктәбендә 11-апрель  көнне  башлангыч сыйныф укучылары өчен  “Тукай йолдызы астында” дип исемләнгән чара үткәрелде. Укучылар  Габдулла Тукайның  тормышы юлы һәм иҗаты белән таныштылар.  Шагыйрьнең тормышына кагылышлы сорауларга җаваплар бирделәр.  Тукай сүзләренә язылган җырлар, шигырьләр  тыңладылар, үзләре дә  башкардылар.  Шагыйрьнең  китапларыннан эшләнгән күргәзмә белән таныштылар. Укучыларга шагыйрьнең әкиятләренә нигезләнеп эшләгән  мультсериаллар да    күрсәтелде. Кичә  шагыйрьнең “Туган тел” җырын башкару белән тәмамланды.

Туган тел айлыгы

Мәктәптә “Туган тел айлыгы” кысаларында чаралар үтә. Сыйныф җитәкчеләре укучыларны тәрбия сәгатьләрендә татар язучылары, шагыйрьләре һәм аларның әсәрләре белән таныштылар, туган  телнең әһәмиятен аңлаттылар.

“Без ГТОга әзер!” акциясе

Мәктәптә “Без ГТОга әзер!” акциясе үтте. Укучыларга ГТО нормалары турында мәгълумат бирелде, спорт ярышлары үткәрелде. Укучылар әлеге акциядә теләп катнаштылар.