Башлангыч сыйныф укытучылары семинары

Мәктәптә “Башлангыч мәктәптән урта мәктәпкә күчкәндә дәвамчанлык” темасы астында башлангыч сыйныф укытучылары семинары үтте. Укытучылар зур әзерлек белән дәресләр күрсәттеләр, соңыннан фикер алыштылар.

Иҗади эшчәнлек

Кичә –  “Г.Мөхәммәтшин – табигать җырчысы”

Районыбыз шагыйре Г.Мөхәммәтшинның юбилее уңаеннан китапханәче Гыймадетдинова А.Ш. 6 сыйныф укучылары белән “Г.Мөхәммәтшин – табигать җырчысы” дәип исемләнгән кичә үткәрде. Кичәдә укучыларга китапханәче тарафыннан шагыйрь турында күп мәгълумат җиткерелде. Укучылар үзләре дә аның шигырьләрен сөйләделәр, сорауларга җавап бирделәр.

Кызыклы очрашу

Мәктәпкә Алмаз Хәмзин белән балалар язучысы Алмаз Гыймәдиев кунакка килделәр. Алар белән мәктәбебезнең яшь журналистлары әңгәмә корды.  21 октябрь көнне кунаклар яңадан укучылар белән зур очрашу оештырачаклар. Барыгызны да әлеге очрашуга чакырабыз. 

Укытучыларны хөрмәтләү

Укытучыларның һөнәри бәйрәмнәре уңаеннан мәктәп укучылары зур бәйрәм концерты оештырдылар.

Өлкәннәргә бүләк

Мәктәбебез укучылары өлкәннәргә бәйрәм бүләге ясадылар – концерт куйдылар. Матур җырлар, дәртле биюләр аларның күңеленә хуш килде.

Өлкәннәр көне

Өлкәннәр көне уңаеннан мәктәпкә ветеран укытучылар һәм тәрбиячеләр кунакка чакырылды һәм хөрмәтләнде.

«Агач утырту» акциясе

Укучыларыбыз бик теләп “Агач утырту” акциясенә кушылдылар. 

Профориентация көне

Мәктәптә профориентация көне үтте. Бу көнне башлангыч сыйныф укучылары белән очрашуга балалар бакчасы тәрбиячесе Газыймова С.Г. килде. Очрашу һәркем өчен кызыклы һәм файдалы булды.