Лицеебызныӊ, озак еллар шофер хезмәтен башкаручы олы хөрмәткә лаеклы, игътирамлы, укучыларныӊ яраткан юлдашчысы булып торган Габделхаков Рифат Равилевичныӊ, бүген 50 яшьлек юбилее. Сезне кояш нурлары ак карларны, пакъ җаннарны җылыткан кѳндә, якты дѳньяга килгән иң олуг бәйрәмегез, туган кѳнегез белән тәбриклибез. Киләчәк тормышыгыз борчу-мәшәкатьсез, куаныч-шатлыклар белән генә үтсен. Сезне бервакытта да сәламәтлек ташламасын. Балалар кайгысы күрмәгез.

Хезмәткәрләр күңелендә сиңа,

Бары хөрмәт, рәхмәт хисләре;

Гомереңнең зая узмаганын

Әйтеп тора матур эшләрең.

Республика  «Созвездие-Йолдызлык» фестиваленең зона этабында   7 нче сыйныф укучысы Зарипов Инсаф “Конферанс” номинациясендә җиңеп III дәрәҗә диплом белән бүләкләнде һәм ул Казан шәһәрендә йомгаклау этабында чыгыш ясаячак. 

Канатлы дусларыбызны каршылап лицеебыз укучылары сыерчык оялары ясадылар.

Бѳек Җиӊүнен 70 еллыгына багышлап  «Подвигу жить в веках» район фәнни-практик конференциясе үткәрелде.  Конференциядә 9 нчы сыйныфтан Хѳсәенова Зәлидә ,  8 нче сыйныфтан Лапшина Алия катнашты. Лапшина Алия «Гаилә елъязмасы. Сугыш еллары кѳндәлегеннән» секциясендә призер булып танылды. 

Лицейныӊ бер тѳркем укучылары Каюм  Насыйри  исемендәге  XXVIII регионара фәнни-эзләнү укуларында катнашты.  10 нчы сыйныф укучысы Шәмсетдинов Әлфис (укытучысы Хѳрмәтуллин Ришат Рашитович) , «Ветрогенератор» темасы астында якланган проект эше ѳчен 2 нче дәрәҗә дипломга ия булды.

10 нчы сыйныфтан Хәбибуллин Рүзәл (укытучысы Гилязов Ранил Фәритович) «Бѳек Ватан сугышы», Александрова Оксана (укытучысы Фәрзиева Алсу Габделбәровна) «Татар теле», 9 нчы сыйныф укучысы Латыйпова Зѳлфия (укытучысы Нигаматуллина Алсу Мѳдәрисовна)   «Краеведение» секцияләрендә уӊышлы чыгыш ясап грамоталар белән бүләкләнделәр. 

Район күләмендә үткәрелгән кызлар арасындагы баскетбол ярышында лицеебызныӊ кызлар командасы II урынга лаек булды.

«Урман дәресе» акциясе кысаларында лицейда ачык тәрбия сәгатьләре үткәрелде. Ә башлангыч сыйныф укучылары өчен дәрес ачык һавада – лицеебызның яшь наратлар аллеясында узды.

«Җиңүнең 70 еллыгын каршылап» укучылар тарафыннан рәсем күргәзмәсе оештырылды.

Бөек Җиңүнең 70 еллыгы уңаеннан сыйныфлар арасында «Ветераннарга бүләк» акциясе уздырыла. Чараның максаты: һәр класска тимурчылык итүче әби-бабайларга кулдан бүләкләр әзерләү һәм аларны тапшыру.

«70 еллыкны каршылап» укучылар үзләре шефлык иткән өлкәннәр янында булып кайттылар.