"Талантлар парады"нда катнашып, профориентация юнәлешендә 10 нчы сыйныф укучылары Якупов Рәдис, Гасанова Ләйлә, 9 нчы сыйныф укучылары Бариев Риназ, Бәдегетдинова Эльвина, 8 нче сыйныф укучысы Рахматуллин Фәнис һәм 6 нчы сыйныф укучылары Хурматуллина Алсу, Михайлова Диана җиӊүче дипломнарына ия булдылар. Укытучылары Газизов Ф.Р., Латыйпова Г.Г.га рәхмәтебезне белдерәбез.
"Талантлар парады"нда конферанс  Зарипов Инсаф, җырчыларыбыз Габдрахманова Әдилә, Назипов Нурзил, Хайруллина Фәнүзә, Дәминов Илдан чыгыш ясадылар һәм бүләкләнделәр. Шулай ук остазлары Шәйхелмарданов А.А. ка рәхмәт хаты тапшырылды.

Буген лицейда 2 нче сыйныф укучыларын эзтабарлар сафына кабул итү тантанасы булды.

15 май - Гаилә көне буларак билгеләп үтелде. Әлеге уңайдан мәктәптә әхлак түгәрәге җитәкчесе Гөлшат Рашатовна, муниципаль полиция хезмәткәре  Накипова Л.Ф.  укучылар белән очрашты. Ул укучыларга гаилә кыйммәтләре, иртә гаилә төзүнең авырлыклары, гаилә әгъзаларының вазыйфалары турында сөйләде. Соңыннан укучыларны кызыксындырган сорауларга җаваплар бирделәр.

Бүген лицейда участок вәкиле Зарипов Р.Ф., муниципаль полиция хезмәткәрләре Накипова Л.Р. һәм Низамиева Л.Ф. укучылар белән очрашуда булып, тәртип, җәйге яллар турында сөйләделәр.

Бөек Җиңүнең 71 еллыгы уңаеннан уздырылган "Леса Победы" акциясе кысаларында лицей укучылары тыл ветераннары истәлегенә агачлар утырттылар.

“Бөек Җиңүнең 71 еллыгын каршылап”

     Мәрхәмәтле булыйк олыларга,

      Миһербанлы булыйк кечегә.

      Яхшы сүзебезне кызганмыйк без,

      Дөньядагы һәрбер кешегә.

  Лицей филиалы Биктәш башлангыч мәктәбе укучылары,  Бөек Җиңүнең 71 еллыгын   каршылап, авылның иң  өлкән  кешесе - 8 бала анасы, күпьяклап сыналган, әмма сыгылмаган, тол калган тыл ветераны Михайлова Анна апада кунакта булып, гыйбрәтле, мәгънәле чыгышын тыңлап, аны Җиңү бәйрәме белән котлап кайтты.

 9 нчы май бәйрәме ул 4 ел буена сугыш газаплары кичергән илебезнең беренче тынычлык көне. Ел саен без бу көнне шатланып, моңаеп һәм зур дулкынлану белән бәйрәм итәбез. Бөек Ватан сугышының дәһшәтле еллары ерагая барса да кешеләр күңелендәге җәрәхәтләр, яралар һаман да төзәлми. Шуңа да бу бәйрәм сагышлы, моңсу бәйрәм. Без- яшь буын, үсеп баручы буын батырларыбызны онытырга тиеш түгел. Лицей филиалы Сәрдегән башлангыч мәктәбе укучылары Гарифуллин Файзулла абыйны бәйрәм белән котладылар.

«Үлемсез полк» акциясеннән читтә калмадык

Җиӊү парады

Бүген лицейда JuniorSkills һөнәри ярышлары үткәрелде. Укучыларга 13 төрле һөнәр ияләре белән мастер класслар уздырылды.