Тату гаилә - ил терәге. Бала өчен иң кирәге. Тату гаилә бердәм булса, бала бәхетле була. Ә нәрсә соң ул гаилә? Сәрдегән башлангыч мәктәбе укучылары шул сорауга җавап эзләде.

Салавыч күппрофильле лицее филиалы Сәрдегән башлангыч мәктәбендә үткәрелгән "Әти-әни һәм мин - спорт сөюче гаилә" бәйрәмендә барлык семьялар да актив катнашты.

Ир – егет укучыларыбыз һәм укытучыларыбыз лицеебызныӊ барлык укучы кызларын, хатын – кыз укытучыларын һәм хезмәткәрләрен язныӊ мөлаем, беренчел чәчкәле бәйрәме 8 нче март белән котлап, иӊ матур теләкләрен җыр – биюләр аша җиткерделәр.

5 нче сыйныф укучылары әниләренә үз куллары белән бүләк ясадылар.

Сәламәтлекне ничек ныгытып була? Сәрдегән башлангыч мәктәбендә "Сәламәтлекне ничек ныгытып була?" дигән темага тәрбия сәгате узды. 1-4 класслар сәламәт яшәү турында сөйләштеләр. Дөрес туклану, режим саклау кирәклегенә төшенделәр. Соңыннан бергәләп чана шудылар.

Гашыйклар көне һәм Ватанны саклаучылар көне уӊаеннан 9 – 11 нче сыйныфлар өчен кичә үткәрелде. Кичә дискотека белән тәмамланды.

Лицейда ватанны саклаучылар һәм халыкара хатын-кызлар бәйрәмнәре уӊаеннан «Әти-әни пар канат» исеме астында Гаилә бәйрәме үтте. Бәйрәмдә әтиләр, әниләр, балалар катнашында матур ярышлар булды. 

Лицей филиалы Биктәш башлангыч мәктәбендә «Әлифба» һәм Гаилә бәйрәме үткәрелде. 

Республика күләмендә үткәрелүче «Дус сыйныф серләре» бәйгесендә 5 сыйныфныӊ әти-әниләр комитеты җиӊү  яулады. Район күләмендә комитетлар арасында комитет члены Фәрзиев Раушан уӊышлы чыгыш ясады. Комитет «Иӊ яхшы стенгазета» номинацияендә җиӊүче булып танылды.

Герой шагыйрь Муса Җәлилнең туган көне уңаеннан башлангыч классларда тәрбия сәгате узды. Шагыйрьнең шигырьләренә карата рәсем конкурсы оештырылды.