Бүген бакчабызда балаларга Корбан ашы үткәрелде. Балаларның күңелен күргәне өчен, корбан итләре белән сыйлаган өчен  "Татарстан" җаваплылыгы чикләнгән җәмгыяте җитәкчесе Айнур Рамиль улы Нотфуллинга олы рәхмәтебезне җиткерәбез! 

Балалар дин- әхлак тәрбиясенә яследән үк өйрәнә. 

Мультфильмнар карый-карый рус телен өйрәнәбез. Безне рус теленә өйрәткән Миләүшә апабызга бик зур рәхмәт әйтәбез! 

Туйганчы уйнар идек тә,

Безнең шул вакытыбыз тар.

Татарча аваз, иҗекләр

Безнең өйрәнәсебез бар.

Мәктәпкә әзерлек төркеме балалары татарча методик дәфтәрнең биремнәрен эшләргә бик яраталар.

Кадерле дуслар! Сезне чын күңелебездән изге Корбан гаете белән котлыйбыз! Сезгә: эшегездә зурдан-зур уңышлар, сәламәтлек, бәхет-шатлык, гаилә иминлеге, балаларыгызның, оныкларыгызның игелеген күреп озак еллар яшәргә язсын! Күкләребез аяз, йөргән юлларыбыз тигез, илләребез тыныч булсын. Кылган игелекләрегез үзегезгә меңе белән әйләнеп кайтсын! 

Мультфильмнар илендә йөрүебезне дәвам итәбез.

Сары, сары, сап-сары,

Агачның яфраклары.

Җил исә, ява яфрак

Көзнең матур чаклары.

Зурлар - мәктәпкә әзерлек төркемендә ябыштыру шөгылендә балалар яфраклардан төрле композицияләр ясадылар. 

Хөрмәтле Чулпан Габдулбаровна сезне чын күңелебездән "Укытучылар көне"ндә Балтач муниципаль  районы мәгариф бүлегенен грамотасына ия булуыгыз белән котлыйбыз! Сезгә тазалык-тынычлык, сәламәтлек, гаилә иминлеге, эшегездә зурдан зур уңышларга ирешүегезне телибез. Шулай ук безгә тәрбиячеләргә "Укытучылар көне"ндә бәйрәм һәм Кәрим Тинчуриннын театрын күрсәтүне оештырган өчен Балтач муниципаль районы башлыгы Рамиль Рашитович Нотфуллинга һәм Балтач муниципаль районы мәгариф бүлеге җитәкчесе Габдрахманова Гөлнара Зәкәриевнага олы рәхмәтебезне җиткерәбез. 

Мәктәпкә әзерлек төркеме укытучылар көне уңаеннан укытучыларны бәйрәм белән котладылар.