Мәктәпкәчә яшьтәге балалар белән нейро уеннар һәм күнегүләр куллану буенча" Төрле уеннар мөһим, төрле уеннар кирәк" темасына Арча районында узган республикакүләм семинарда өлкән тәрбиячебез Калимуллина Гөлназ Маратовна "Балалар бакчасында Федераль дәүләт программасын эшкә ашыру шартларында белем һәм тәрбия бирү эшчәнле чарасы буларак уеннарның әһәмияте" темасына чыгыш ясады 

"Йомры икмәк" әкиятен
Бүген искә төшердек.
Сап-сары салфеткалардан
Үзебез ясап куйдык,- диләр иң кечкенәләрнең икенче төркеме балалары.

Уртанчылар төркемендә кисеп - ябыштыру шөгыле:"Пирамида ясау".

Җиләк -җимешләрне без
Бик яратып ашыйбыз.
Аларның исемнәрен дә
Белергә тырышабыз.
Бүгенге шөгылебездә
Рәсемгә дә төшердек.
Матур итеп буяп куеп,
Күргәзмәгә дә элдек-диләр иң кечкенәләрнең икенче төркеме балалары

Бүген иртән көн җылыткан,
Кар явып үткән иде.
Без, балалар, мондый көнне
Зарыгып көткән идек.
Йөгереп чыктык урамга,
Һава саф, рәхәт суларга.
И уйнадык, и уйнадык,
Тик барыбер туймадык.
Кар да көрәп карадык,
Туп та тибеп карадык.
Кышлаучы кошларыбызны
Җимнәр сибеп сыйладык.Зурлар һәм мәктәпкә әзерлек төркемендә тәрбияләнүчеләр прогулканы файдалы һәм күңелле итеп үткәрделәр.

Яңа ел үтте диеп,
Һич борчылмыйбыз.
Яшел чыршы янында
Иске Яңа елны каршылыйбыз!Зурлар һәм мәктәпкә баручылар төркемендә тәрбияләнүчеләр Иске Яңа елны чыршы янында күңелле уеннар, җырлар, биюләр белән озаттылар

Юлда йөрсәң бул өлгер,
Юл кагыйдәләрен бел,
Ничек тәртип бозмаска,
Уйла син шушы хакта! - дип уртанчылар төркеме балалары сөйләм үстерү шөгылендә юл кагыйдәләрен өйрәнүне дәвам итәләр.

"Яңа ел кул эшләнмәсе" конкурсының муниципаль һәм бакча күләме җиңүчеләрен билгеләп үттек. Бик зур рәхмәт барлык катнашкан балаларга, аларның әти-әниләренә!

Без бүген чыршы янында
Әйлән-бәйлән уйнарбыз,
Кыш бабайны каршыларбыз,
Яңа җырлар җырларбыз.
Нинди матур безнең чыршы,
Җем-җем килеп яңа ул.
Башлыйбыз чыршы бәйрәмен,
Котлы булсын Яңа ел! - дип зурлар-мәктәпкә әзерлек төркеме балалары бик күңелле итеп Чыршы бәйрәмен уздырдылар!

Яңа ел бит ул могҗиза, Яңа ел — тылсым.
Яңа елда һәр кылган эш бәхеткә булсын!
Карлар белән бергә җанга ак өмет иңсен.
Яңа елда бар җиһанны тынычлык төрсен! Уртанчылар-зурлар төркемендә "Хуш киләсең, Яңа ел" исемле бик матур, күңелле бәйрәм иртәсе булып үтте.