Тукай атналыгы дәвам итә.. Бүген татар теленнән 9-11 сыйныфлар катнашуында, Пыжмара, Әтнә, Сәрдек командаларына бүленеп, татар теленнән турнир булып узды. Беренчелекне Әтнә авылы командасы алды. Афәрин, егетләр һәм кызлар!

Башлангыч сыйныф укучылары тарафыннан "Койрыклар" әсәре сәхнәләштерелде. Укучылар һәм укытучыларга бик ошады! Рәхмәт, укучылар!

5, 6, 7 нче сыйныфлар арасында татар әдәбиятыннан "Тамчы шоу" уены булып узды. Укучылар бик теләп катнаштылар, уен катнашучыларга да, тамашачыларга да бик ошады.
 

Мәктәптә ГАИ ГИБДД начальнигы Шафигуллин Фәргать Тәлгать улы катнашында ата-аналар җыелышы булып узды. Ул әти-әниләрне яшүсмерләр һәм балалар катнашындагы юл йөрү кагыйдәләрен бозу, аварияләр очраклары белән таныштырды. Таныклыгы булмаган яшүсмерне скутер, мотоцикл белән чыгарып җибәрү ата-ана өчен күләмле штраф белән тәмамланачагы искәртелде. 

Бүгеннән мәктәптә Г.Тукай атналыгы башланып китте. Атна дәвамында укучылар Г.Тукайның иҗаты һәм әдәбият өлкәсендәге белемнәрен сынап карыячаклар. Атналык "Җиде мөхер астында" уены белән старт алды, уенда 8, 9, 10, 11 сыйныфлардан берәр укучы катнашты. 8 нче сыйныф укучысы беренчелекне алды. Афәрин!

РФ һәм РТ символикасына багышланган парламент сәгате булып узды. Чара "Своя игра" уены белән тәмамланды

"Кама " күмәк хуҗалыгы рәисе Назипов Р.Н уку алдынгыларын акчалата бүләкләде.

Мәктәбебез еллык эшкә отчет ясады,укучылар үзләренең ел буе эшләгән эшләре белән таныштырдылар, концерт куйдылар.Уку алдынгыларын, спортта җиңүчеләрне,олимпиада җиңүчеләрен котлап үттеләр.

Шубан авылы кызы Азалиягә ярдәм итүдә безнең мәктәп укучылары да актив катнашты.

Укучылар һәм укытучылар катнашында экологик кичә булды.Укытучылар командасы укучыларга каршы белемнәрен сынады һәм сынатмады.