Бүген мәктәптә "Үзидарә көне" булып узды. Мәктәп директоры вазифасын Гараев Дилүс, ә завуч Гарипова Резеда башкардылар. Укытучыларны да 1 көнгә укучылар алмаштырды. Укучылар әлеге хезмәтнең никадәр авыр һәм җаваплы икәнен аңлаганнар дип ышанабыз! 

"Укытучылар көне" уңаеннан "Укытучыны котла" акциясе бара. Балалар оешмасы открыткалар ясады, авыл халкы укытучыларга үз теләкләрен җиткерде. Балалар бакчасыннан нәни дусларыбыз килеп, укытучыларны бәйрәм белән котлап киттеләр.

Бәйрәмеңдә кабул итсәң иде
Чын йөрәктән чыккан сүзләрне.
Укытучым, син бит белем биреп
Ачтың безнең сукыр күзләрне.
Син лаеклы, газиз укытучым
Рәхмәтләрнең иң җылысына.
Син лаеклы, газиз укытучым
Хөрмәтләрнең иң олысына.
Синсез булмас иде пешекче дә
Табип, галим, герой-космонавт та.
һич оялмас килеп синең алда
Баш ияргә, хаттә Президент та

Октябрьнең беренче җомгасы "Елмаю көне"! Шул исәптән "Әйдәгез, елмаегыз!" акциясе булып узды.

Бакчада көзге эшләр дәвам итә. Кишер, чөгендер алынды, чүпләр җыелды. Балалар бик тырышып эшли. Уңышлар сезгә!

Мәктәптә өлкәннәр көненә багышланган "Оныклардан бүләк" концерты булып узды. Кичәгә өлкән укытучылар һәм техник персонал чакырылды. Тагы бер кат өлкәннәрне бәйрәм белән котлыйбыз!

27 сентябрь - наркотиклардан баш тарту көне иде. Шул уңайдан бүген классларда наркотикларга каршы сыйныф сәгатьләре булып узды. 2-6 сыйныфларда Кәримова Р.Ә., ә 7-9 сыйныфларда Зәкиева Ә.Н. ачык сыйныф сәгатьләре күрсәтте. Балалар үзләренә тиешле нәтиҗәләр ясаганнар дип ышанасы килә.

Бүген "Өлкәннәр көне"! Үз чиратыбызда мәктәбебездә эшләп киткән барлык өлкән укытучылар һәм техник персоналны шушы бәйрәм белән чын күңелдән котлыйбыз. Сезгә сәламәтлек, озын гомер, күңел тынычлыгы теләп калабыз.

Бүген 5-6 сыйныфлар өчен дискотека булып узды. Дискотекада биюләр генә түгел, ә төрле уеннар да үткәрелде!!!

27 сентябрь - тәрбиячеләр көне! Укучылар арасында "Тәрбиячеңне котла" акциясе булып узды.