4 нче, 6 нчы, 8 нче сыйныфларда инглиз теленнән мониторинг үтте.

Бүген атналыкта "Зирәкләр көне". Башлангыч сыйныф укучылары арасында "Интеллектуль марафон" узды.  

Башлангыч классларның атналыгы дәвам итә. Кичә әдәплелек көне булса, бүген сәламәтлек көне. Уку көне "Сәламәтлек иленә сәяхәт" класс сәгате белән башланып китте. Ә аннары "Сәламәтлек аланында"  тематикасы буенча әкиятләр куйдылар. 1нче сыйныф укучылары  "Куян малае", 3нче сыйныфлар "Теремкәй"  театрында бик теләп катнаштылар.

Башлангыч сыйныфларның атналыгы башланды. Бүген "Тылсымлы сүзләр иленә сәяхәт" исемле класстан тыш чарасы үтте.

1989 елда БМО тарафыннан "Бала хокуклары турында" конвенция кабул ителә. Шушы уңайдан 1-9 нчы класс балалары өчен бердәм дәрес уздырылды.

Ноябрь айлыгы “Хокук айлыгы” булып билгеләнелә. Шул нисбәттән мәктәптә “Хокук бозуларны булдырмау максатыннан халык педагогикасы аша бала шәхесен тәрбияләү” темасына ата-аналар җыелышы булып узды. Җыелышта полиция хезмәткәре Сагтдинов Эльдар Гадилович, мәгариф бүлеге башлыгы урынбасары Сөләйманов Айрат Габделмаратович катнаштылар. Тәрбия буенча директор урынбасары Зәкиева Ләйсән Инзилевна  “Ата-аналар җаваплы” темасына чыгыш ясады. Мәктәп директоры Ахатов Раниф Рифатович  1 чирек нәтиҗәләре , ашау менюсы һәм бәяләр, эчке тәртип кагыйдәләре белән таныштырды. Җыелыш аерым классларда дәвам ителде. 8-9нчы сыйныфларда ОГЭ мәсьәләләре күтәрелде.

Полиция хезмәткәрләре Шакирова Ләйсән Маратовна һәм Сагтдинов Эльдар Гадилович  балалар белән профилактик әңгәмә уздырдылар. Алар балаларны мәктәп кагыйдәләрен, юл йөрү кагыйдәләрен  бозу очрагында, кичке 22.00 дән соң олыларсыз урамда йөргәндә нинди җаваплылыкка тартылачакларын искәрттеләр.

Бүген мәктәптә педсовет утырышы узды. Җыелышта чирек нәтиҗәләре, ШМО җитәкчеләренең анализлары тыңланды.

Бүген һәм иртәгә инглиз теленнән олимпиада узачак. Уңышлар сезгә, балалар!

"Бердәмлек" балалар оешмасы атна нәтиҗәләре буенча җыелыш уздырды. Утырышны оешманың президенты Тагирова Лилия алып барды.