8 нче сыйныфта профориентациядән тест нәтиҗәләре буенча ата-аналар җыелышы узды. Әти-әниләр башта рус теленнән дәрес карадылар, ә аннары тәрбия эшләре буенча директор урынбасары Зәкиева Л.И. аларны тестлар нәтиҗәсе белән таныштырды.

7 нче сыйныфта профориентация буенча ата-анлар җыелышы узды. Башта алар биология фәненнән дәрес карадылар, аннары профориентация тестларының нәтиҗәсе белән таныштылар. 

Пыжмара мәктәбе коллективы хәйрия концерты белән Арбор авылына барып кайтты. Авыл халкы безне бик җылы каршы алды, кайнар алкошлары белән сөендерде, күңелгә дәрт өстәде. Арборлыларга концертка килеп, Алинәнең һәм туганнарының кайгыларына битараф калмаганнары өчен чиксез рәхмәтебезне белдерәбез. Кеше үз авыртуын белсә - димәк яши, әгәр кеше авыртуын белсә - кеше булып яши. Кеше кайгысына битараф калмыйк, кеше булып яшик.

“Яхшылык эшләргә ашыгыйк, яки Алинәгә Яңа ел бүләге” исеме астындагы хәйрия концерты белән Пыжмара төп белем мәктәбе Нөнәгәр авылына  барды. Нөнәгәрләр безне бик җылы каршы алдылар. Аларга Алинәнең хәленә кергәне өчен, безгә ярдәм күрсәткәннәре өчен рәхмәтебезне белдерәбез. Изгелек эзсез калмый!

Озын яллардан соң көч туплап, 3 нче чиреккә аяк бастык. Балаларга укуларында уңышлар теләп калабыз.

Кышкы каникул чорында мәктәптә чана, чаңгы, тимераякта шуу ярышлары узды.

Мәктәп укучылары һәм укытучылары “Яхшылык эшләргә ашыгыйк, яки Алинәгә Яңа ел бүләге” хәйрия концерты белән Куныр авылына бардылар. Куныр һәм күрше авыл халкына безне аңлаганнары һәм ярдәм күрсәткәннәре  өчен рәхмәтебезне белдерәбез. Кылган игелекләрегез сезгә мең тапкыр артык кире кайтсын.

Яңа ел бәйрәмнәре узды. Балалар матур маскалар кигән, сценарийларга тырышып әзерләнгәннәр. Кыш бабай белән Кар кызы да балаларга күчтәнәчләр алып килделәр. Уку алдынгылары, олимпиадаларда урын алган балаларга бүләкләр бирелде. Бәйрәмнәр бик күңелле узды. Чыршы бәйрәменә бүләкләр алып килгән, шуның белән балаларны сөендергән дусларга рәхмәтебезне белдерәбез.

Мәктәптә Яңа ел рухы хөкем сөрә, класслар бизәлгән, балалар номерлар кабатлыйлар, плакатлар ясыйлар. Ел саен бик теләп ясала торган сыннар өчен генә һава торышы уңай булмады. Ләкин аңа карамастан мәктәп каршыбызда бик күркәм чыршы үсеп чыкты. Хуш киләсең, Яңа ел!

Бөтенроссия фән олимпиадаларының муниципаль этабында мәктәпнең 6 җиңүчесе һәм призеры булды.

Зәкиева Гүзәл, 8 нче сыйныф, биология - җиңүче

Нәҗметдинова Зәринә, 4 нче сыйныф, рус теле - призер

Шакирова Илсинә, 5 нче сыйныф, рус теле - призер

Абрамова Алия, 7 нче сыйныф, рус теле - җиңүче

Сөләйманова Айзилә, 5 нче сыйныф, математика - призер

Шакирова Илсинә, 5 нче сыйныф, татар теле, җиңүче