Көтеп алган көзге каникуллар да башланды. Укучылар бер атна буе ял итәчәк, имтиханнарга  һәм олимпиадаларга хәзерләнәчәк һәм түгәрәкләргә йөрәячәк

Башлангыч сыйныф укучылары "Сөмбеләдә кунакта" көз бәйрәме уздырдылар.Укучылар җыр-бию, сәнгатьле шигырь сөйләү буенча көчләрен сынадылар.

1-11нче сыйныфлар арасында "Көзнең матурлыгы яфракларда" конкурсы үткәрелде. Сыйныфлар көзге яфраклардан гына торган букетлар, паннолар ясадылар.

9нчы һәм 11нче сыйныф укучылары өчен кызу вакытлар килеп җитте. Алар имтиханнарга ныклап хәзерләнәләр, түгәрәкләр, консультацияләргә йөриләр.

Илебез буенча октябрь аенда Өлкәннәр көне уздырыла. Төрле җирләрдә өлкәннәрне котлаулар, искә алулар бара.Безнең мәктәптә дә эшләп лаеклы ялга чыккан ветераннарны хөрмәтләп зур кичә оештырылды. Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Бу айда гына түгел, ә һәрвакыт без өлкәннәргә игътибар итеп, хөрмәт күрсәтергә, рәхмәтләребезне әйтергә тиешбез. Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.

   Укытучыларыбыз!

Рәхмәт Сезгә, рәхмәт чын күңелдән,
Безне балагыздай күргән өчен.
Безнең хисләр белән янып яшәп,
Күңелләргә шатлык биргән өчен.

Бүген мәктәптә үзидарә көне.  10-11нче сыйныф укучылары үзләренең көчләрен укытучы һөнәрендә сынап карыйлар. Алар дәресләр укыта, тәнәфесләрдә тәртип саклый, дәфтәр тикшерә, гомумән, укытучылар эшли торган мең төрле мәшәкатьне үз җилкәләрендә татып карый.

"Ак калфак" татар хатын-кызлар республика иҗтимагый оешмасы вәкилләре катнашында Кәшифә Тумашева исемендәге музейда әдәби кичә булып узды.