Мәктәптә укучыларны  өйрәтү максатыннан эвакуация буенча өйрәнүләр үткәрелде. Барлык укучылар, укытучылар, техник хезмәткәрләр катнашты.

26.02.2013 көнне мәктәптә әти-әниләр җыелышы үткәрелде. Җыелышта балигъ булмаган балалар белән эшләүче инспектор Файзрахманов Н.Н. катнашты. Җыелышта балаларның куркынычсызлыгы турында сөйләнде. Район, мәктәп приказлары белән таныштырылды. Мәктәпкә барганда һәм кайтканда озатучы һәм каршы алучы әти-әниләр билгеләнде, куллар куелды.   

22.02.2013 көнне районнан килгән приказ нигезендә укучыларның куркынычсызлыгын тәэмин итү максатыннан классларда тәрбия сәгатьләре үткәрелде. Инструктаж үткәрелеп укучыларга куллар куйдыртылды. 25.02.2013 гомуми линейка мәктәп директоры Котдусов Г.Х. кабат укучыларга урамда, юлда үз-үзеңне дөрес тоту кагыйдәләрен искә төшерде. Зур класс укучылары кечкенә класслар белән бергә кайтырга кирәклеге әйтелде.

Район күләмендә үткәрелгән инглиз теле буенча олимпиадада 4 класс укучысы Ситдикова Камилә (укытучысы Садикова А.Р.) 1 урын яулады. Молодец, Камилә!

22 нче февраль көнне мәктәптә “Аҗаган” үткәрелде. Укучылар 2 ротага бүленеп пунктлар буенча ярыштылар. Иң соңгы пункт яшерелгән байракны табу иде. Байракны 2 рота тапты. Ярыш ахырында укучылар учакта пешкән бәрәңге, чәй, кабартма белән сыйландылар.

20 нче февраль көнне мәдәният йортында “Әтиләр сүзе - акылның үзе!” дип исемләнгән кичә оештырылды. Кичәдә әтиләр сәхнәдә 2 командага бүленеп конкурсларда катнаштылар. Конкурс араларында әтиләр, бабайлар, балалар катнашында концерт номерлары күрсәтелде.  

Укучылар  «Республике важен каждый» акциясендә актив катнаштылар. Җыелган канцтоварлар мәгариф бүлегенә тапшырылды.

Мәктәпнең "Форпост" отряды , Исмагилов М.Ф. җитәкчелегендә, район күләмендә үткәрелгән Г.А.Сидоров истәлегенә багышланган ярышларда катнашып, үз көчләрен сынадылар. 

Укучылар арасында шашка ярышы үткәрелде.

14 февраль көнне мәктәптә "Гашыйклар көне" үткәрелде. Чарада укучылар актив катнаштылар