Балалар бик теләп һәр елның апрель аенда, Туган тел атналыгында, Тукай әсәрләре белән танышалар, әкиятләрен сәхнәләштерәләр, шигырь бәйрәмендә сәләтләрен күрсәтәләр. Быел зурлар һәм мәктәпкә хәзерлек төркеме балалары "Тукай әкиятләрендә кунакта " дигән әкият- тамаша сәхнәләштерделәр.

Уртанчылар төркеменә йөрүчеләр тәрбиячеләре Рамилә Фәргатовна  белән бик күп тәҗрибәләр үткәрделәр. Алар помидор ,  ашлык культураларын төрле чорда чәчеп, тишелеп чыгуын һәм үсүен күзәттеләр.

Көлке көнендә безгә клоун килде. Ул үзе белән бик күп уен кораллары алып килде. Балалар клоун белән бергә уен коралларында уйнадылар, көн күңелле үтте.

Зурлар һәм мәктәпкә хәзерлек төркеме балалары авылыбызның спорт залына сәяхәткә бардылар. Анда тренер Ранил абыйлары балаларны тренажер залы белән таныштырды.Балалар бик кызыксынып шөгыльләнеп карадылар.Балаларга сәяхәт бик ошады.

Без бүген татар халкының зур бәйрәме "Яңа ел- Нәүрүз" бәйрәмен билгеләп үттек. Кыш бабайны озатып, без Нәүрүз кызын каршы алдык. Кыш белән яз аркан тартышып көч сынаштылар. Яз көчлерәк булды, кышны җиңде. Хуш киләсең ,ямьле яз !!!

Бу атнада бакчабыз балалары театр дөньясында булдылар. Зурлар һәм мәктәпкә хәзерлек төркеме балалары В.Сутеевның "Под грибом" әсәрен сәхнәшләштерделәр.Барыбызга да күңелле булды.

Район күләмендә үткәрелгән кышны озату бәйрәмендә безнең бакча коллективы да катнашты.

Зурлар һәм мәктәпкә хәзерлек төркемендә әбиләребезгә багышлап үткәрелгән бәйрәм иртәсе күңелле үтте. Балалар әбиләребезне яшь чакларына алып кайттылар, алар өчен бик матур фольклор бәйрәме күрсәттеләр.

I нче ,II нче кечкенәләр , уртанчылар төркеме балалары бакчабызга кунакка әниләрен һәм әбиләрен чакырдылар. Бәйрәм иртәсендә балалар матур җырлар җырлап ,биеп, шигырь сөйләп аларны тәбрикләделәр. Бәйрәм күңелле үтте.

Сосна мәдәният йортында бакчабыз балалары район күләмендә үткәрелгән "Созвездие - Йолдызлык" яшьләрнең эстрада сәнгате фестиваленең сайлап алу турында катнаштылар.