Зурлар һәм мәктәпкә әзерлек төркеме балалары белән "Кыргый хайваннар" проекты буенча эшчәнлек алып барыла. Балалар кыргый хайваннар турында бик күп мәгълумат алдылар, белемнәрен ныгыттылар,оригами ысулы белән кыргый җәнлекләрне ясадылар.

Зурлар һәм мәктәпкә хәзерлек төркеме балалары "Үги кыз -Көлсылу" әкиятен сәхнәләштереп, башлангыч мәктәп укучылары һәм укытучылары алдында чыгыш ясадылар. Очрашу күңелле үтте.

Бүген безнең бакчаның әти-әниләренә "Бала сәламәтлеген саклауда ярдәм итүче факторлар" темасына гомуми җыелыш булды.Җыелышта сәламәтлеккә кагылышлы чыгышлар тыңланды.Әти-әниләр күргәзмәгә куелган витаминнар һәм зарарлы азыклар өстәле белән таныштылар.Соңыннан зурлар һәм мәктәпкә әзерлек төркеме балалары башкаруында "Үги кыз" әкияте сәхнәләштерелде.

Мәктәпкәчә яшьтәге балаларның IV спорт фестивалендә безнең "Йолдызлар" командасы II урынны яулады."Йолдызлар", сезне җиңүегез белән котлыйбыз !!! 

Шәфкать туташы Римма Геннадьевна балаларның сәламәтлекләрен саклау өчен төрле  гимнастикаларны куллана.Күз, сулау,колак яфраклары, динамик, ортопедик гимнастикаларны балалар бик теләп эшлиләр.

Төркемнәрдә көзге уңыш бәйрәмнәре булып узды. Балалар көзге уңыш турында белемнәрен үстерделәр, көчләрен сынаштылар, көз турында җырлар җырладылар...

Бүген бакчабыздагы малайлар түбәтәйләр киеп, ә кызлар матур яулыклар бәйләп килделәр. Чөнки безгә Алсу апабыз Корбан бәйрәме турында сөйләде. Шулай ук ул безгә әхлак тәрбиясе буенча киңәшләрен бирде, догалар укыды. Бакчага йөрүче балалар  да белгән догаларын сөйләделәр. Соңыннан без Корбан ашыннан авыз иттек. 

Балалар бакчасына беренче мәртәбә йөри башлаган сабыйлар өчен яңа мохиткә ияләшү чоры катлаулы. Тәрбияче Язилә Тәлгатовна һәр баланы аңлап, аларга һәрдаим ярдәм итә. Нәниләребез инде үзара дуслаштылар, бакчага ияләнделәр.

Республика буенча игълан ителгән санитар -экологик чистарту декадасында балалар бакчасы территориясендә өмә үткәрдек. Өмәдә коллективның һәр кешесе актив катнашты...