1 сентябрь- Белем көне.Зурлар һәм мәктәпкә әзерлек төркем балалары белән авылыбыз мәктәбенә бәйрәм тантанасында катнаштык.

Җәйнең соңгы истәлеге итеп, бакчабыз территориясендә үсүче кыр чәчәкләреннән браслетлар ясадык.

Нәниләр төркем балалары  яраткан уенчыклары белән таныштырдылар, уеннар уйнадылар.

Элемтә хезмәткәрләре көне уңаеннан балалар элемтәче һөнәре турында мәгълүмат тыңладылар, элемтә бүлегенә сәяхәт кылдылар.

«Без саф һавада кызыклы китаплар карарга яратабыз» диләр зурлар hәм уртанчылар төркем балалары.

Нәниләр төркемендә су көне.

Яшьләр көне бәйрәмендә Ибраһимовлар гаиләсе  “Коляскалар парады” фестивалендә үзенчәлекле итеп бизәлгән коляска белән матур чыгыш ясадылар. Яшь гаиләне II урын алулары белән чын күңелдән котлыйбыз!

Нәниләр төркем балалары Елочка белән  чәчәклекне күзәттеләр: чәчәкләрне карадылар,су сиптеләр, чәчәкләр турында күзаллауларын һәм белемнәрен үстерделәр.

Шундый якты, шундый көләч

Беренче көне җәйнең,

Назлап кына сыйпап сөя,

Кочагыдай әнинең.

Балаларны яклау көне —

Шундый матур бәйрәм бар,

Мәйдан тулы бала-чага,

Балаларга урам тар.

Бәхетле безнең балачак,

Яклау-саклаулы булгач,

Чыңлап тора җырларыбыз,

Чәчкәгә, нурга тулгач.

                          Вәсимә Ураксина

Балаларыбызга сау- саләмәт, бәхетле булып, тыныч тормышта яшәргә язсын!