Балаларның яратып өлгергән "Үрдәкләр тавы" уены бүген эшләмәде. Ни булган? Балалар белән җавап эзләдек, таптык - уенчыкның батарейкасы беткән. 
Беткән батарейканы махсус савытка салып куйдык. Ә уенчыкка яңа батарейкалар куйгач, балалар бик куандылар, үрдәкләр дә таудан шууны дәвам иттеләр.
Нәниләр төркеме, 17 бала. #ЭКОВЕСНА2025

Мәктәпкә әзерлек төркеме белән зурлар төркеме «Сәламәт телдә-сәламәт акыл» дип исемләнгән атналыкны кызыклы уеннар, эстафеталар белән башлап жибэрде.

Кечкенәләр һәм уртанчылар төркеме белән кошлар турында әңгәмә булды, кызыклы уеннар уйнадык, сыерчык ояларын карадык. #ЭКОВЕСНА2025

Сосна балалар бакчасы, авылыбыз өчен матур, искиткеч, кызыклы, концерт куйды! Матур чыгышлары өчен балаларга, әти-әниләргә, бакча коллективына бик зур рәхмәт!

Сыерчыкларга оялар куйдык! Рәхим итегез, кошкайлар! Акциябездә Дәүләт табигать тыюлыгының "Балтач" регионы белгече Муллагалиев Азат Нурмөхаммәт улы да катнашты!

Нәниләр төркеме балалары "Тәрәзә төбендә бакчам" проекты кысаларында суган утырттылар.

Бүген балалар бакчабызда мәктәпкә әзерлек төркемендә чаңгы ярышы үтеп китте! Балалар рәхәтләнеп ярыштылар, соңыннан алар грамота, медаль белән бүләкләнделәр! Әфәрин, балалар!

Сосна балалар бакчасында Ватанны саклаучылар елын ачу тантанасы узды. Һәр төркем солдатлар, моряклар, санитарлар булып киенеп, стройда атлап йөрүдә, командирлар ярышында, патриотик җыр башкаруда һәм уеннар барышында үзләренең осталыкларын күрсәтте. Җиңүче команда кубок белән, һәр катнашучы бала  медаль белән бүләкләнде.

Нәниләр төркемендә үткән «Ачык ишекләр» көненнән матур мизгелләр. Әти - әниләр бик теләп балалар белән бергә шөгыльләнделәр,. Балаларга бик күңелле hәм файдалы булды.

Әти - әниләр, бакча коллективы «Солдатка посылка» акциясендә катнаштык. Җыелган гуманитар ярдәмне зурлар төркеме балалары, тәрбиячеләре, әтиләре волонтерларга тапшырдылар. Волонтерлар белән очрашу балаларда зур кызыксыну уятты. Акциядә катнашкан һәр гаиләгә, бакча коллективына зур рәхмәт.