Ел саен безнең мәктәбебездә макулатура җыю атналыгы уздырыла. Быел да бу эш әйбәт кенә башланып китте. Укучылар әлеге чарада бик актив катнашалар.

Низамиева Римма Наиловна башлангыч классларда математика атналыгы кысаларында "Тапкырлар һәм зирәкләр" дигән КВН уздырды.

Мәктәбебездә 16-21 январьдә математика, информатика, физика атналыгы башланды. Атналык аерым план нигезендә оештырыла. Укучыларның яшь үзенчәлекләрен исәпкә алып, төрле катлаулылыкта кызыклы биремнәр, башваткычлар тәкъдим ителде. Атна буена, график нигезендә, башлангыч, урта һәм югары сыйныфларга кызыклы кичәләр, конкурслар үккәреләчәк.

Студентлар һәм укытучылар командалары арасында хоккей ярышлары узды.

Счет 9:6 , укытучылар командасы җиңде. Афәрин!

Мәктәптә 7-9 класс укучылары өчен "күңелле дискәтүк" булып үтте. Төрле уеннар, кызыклы сораулар белән күңел ачу үрелеп барды.

Бүген башлангыч сыйныф укучылары Югары Кенә тавына чана шуарга менделәр.

5 сыйныф укучыларының эшләре һәркемнең күз алдында. Бу класска Бакый Рахимов һәйкәлен чисталыкта тоту беркетелгән иде. Карлы, буранлы көндә дә, кызлар һәйкәлне кардан чистартып, ялт иттереп куйганнар. Алинә, Әлфинә , Ләлә, Сөмбелләрнең эшләре рәхмәткә лаек.

 “Яшүсмер” айлыгы кысаларында УУП Хуснутдинов Роберт Наиловичның балалар белән очрашуы булып узды. Әңгәмә барышында тәмәке тартулар, наркомания, эчүчелек кебек афәтләргә каршы тора белүләренә, кич урамга чыгу вакытын искә төшерүгә һәм Яңа елда куркынычсызлык һәм  юл йөрү кагыйдәләрен үтәүләренә, шартлаткычлар белән шаярмауларына басым ясады.