Мәктәптә һәр класска гөлләр бүленеп бирелгән. Укучыларыбыз бервакытта да аларны игътибардан калдырмыйлар. Шуңа күрә гөлләребез һәрвакыт мәктәпне ямьләндереп торалар.

Изге мәүлит ае уңаеннан мәктәптә мәүлит ашы уздырылды. Авылыбыз мулласы Нәүфәл абый укучыларга вәгазь укыды.

ФГОС буенча куелган шахмат дәресләре бик күңелле үтә. Укучылар күп кенә шахмат нечкәлекләре белән танышалар.

3 февраль көнне мәктәбебездә Татарстан Республикасы фән һәм мәгариф министрлыгының аккредитация комиссиясенең экспертлары эшләде. Алар мәктәпнең укыту эшчәнлеген, документлары торышын тикшерделәр һәм эшчәнлекнең дәүләт стандартларына туры килүе турында нәтиҗә ясадылар.

Китапханәче Гыйлмуллина Рания башлангыч класс укучыларында китапка кызыксыну уяту максатыннан, "Яңа китап -- яңа дус" темасына библиографик дәрес уздырды.

Бүген Гүзәл Шамилевна инглиз теленнән 2нче сыйныфта ачык дәрес  бирде. Укучыларның ата-аналары, укытучылар әлеге чараны бик ошаттылар.

27нче гыйнвар көнне "Сәламәт яшәү рәвеше" темасына ата-аналар җыелышы узды. Җыелышта район үзәк хастаханәсенең баш педиатры Шайхиева Гөлнара Хабировна катнашты.

"Созвездие-Йолдызлык" балалар эстрада конкурсының "Алло, без талантлар эзлибез!" исемле сайлап алу этабы уздырылды. Бу концертта 20дән артык номер куелды.

20 нче гыйнвар көнне "Шугалакта очрашабыз" дип исемләнгән чара булды. Монда барлык укучылар, укытучылар, әти-әниләр һәм спортка битараф булмаган авыл халкы катнашты. Бәйрәмдә күңелле уеннар, эстафеталар, ярышлар булды. Бәйрәм ахырында барлык катнашучыларны, килгән кунакларны ашханә хезмәткәрләре кайнар чәй һәм коймак белән сыйладылар.

Кенә төп гомуми белем мәктәбенең татар теле һәм әдәбияты укытучысы Әхмәтова Раилә Тимербаевна Норма урта мәктәбендә "Ел укытучысы" конкурсының II этабында дәрес һәм тәрбия сәгате белән катнатшы.