Белем бирү учреждениесенең урта һәм  өлкән мәктәпкәчә яшьтәге төркем балалары Балтач бистәсенең Җиңү аллеясына экскурсиягә бардылар. Алар Бөек Ватан сугышында һаләк булган батыр солдатлар хөрмәтенә мәңгелек ут янына  чәчәкләр куйдылар. 

Белем бирү учреждениесендә Бөек җиңүнең 70 еллыгына багышланган бәйрәм иртәсе узды. Әлеге чарада балалар һәм апалар башкаруында  җиңү бәйрәме, батыр солдатлар турында җыр һәм шигырьләр яңгырады, хәрби теманы яктырткан биюләр башкарылды. Җиңүне якынайткан хәрби, патриотик җырлар бәйрәмдә катнашкан һәркемнең күңел җепләрен селкетте. 

 Белем бирү учреждениесендә бүгенге көндә "Җиңү алып килгән яз!" проекты гамәлгә ашырыла. Проект кысаларында  уртанчылар төркеме әти-әниләре көче белән "Бабам - минем горурлыгым!" дигән почмак булдырылды. Почмак үз эченә "Сезнең батырлык мәңгелек!", "Балтач - батырлар ягы", "Солдат язмалары" һ.б. бик тулы, эчтәлекле материаллар тупланган папкаларны да ала.

Җиңү бәйрәменә санаулы гына көннәр калып бара. Әлеге бөек, истәлекле вакыйганы балалар күңелендә үтемле итеп сеңдереп калдыру, өлкән буын вәкилләренә, аларның сугышчан батырлыкларына соклану, гоурлану һәм дә кайгыртулы хисләр тәрбияләү максатыннан  уртанчылар 2 төркеме балалары әти-әниләр белән берлектә зур тарихи эзләнү алып бардылар - бабаларының сугышта узган юлларын, фронт хатирәләрен, күрсәткән батырлыкларын өйрәнделәр,  материалларны тупладылар һәм  күргәзмә оештырдылар.Әлеге күргәзмә янында тәрбия сәгатьләре бик эчтәлекле уза. Балалар үзләренең бабалары белән бик горурланалар. Сокланырлык шул аларның тормыш юллары.   

Уртанчылар төркеме әти-әниләренең кул эше. "Җиңүнең 70 еллыгы" аллеясы.

Килә язлар, китә язлар,

һәр ел саен үзгәрелә...

һәр ел саен Тукай гына

Япь-яшь хәлдә килә безгә.

Илдә кояш, җирдә кояш,

Тукай көне канат җәйгән.

Бәйрәм бүген, бәйрәм бүген,

Тукай көне безнең бәйрәм!

Мәктәпкәчә белем учреждениесендә "Сәламәт буласың килсә?" дип исемләнгән спорт уеннары иртәсе узды. Балалар уеннарда катнашып кына калмады, М.В.Лазарев методикасына таянып мәктәпкә әзерлек төркеме балалары башкаруында "Шәхси әйберләрнең серләре" дигән театральләштерелгән күренеш карадылар, шәхси гигиена таләпләре белән дә таныштылар.

Уртанчылар төркеме 1 балалары Балтач үзәк китапханәсенә экскурсиягә бардылар. Экскурсиянең максаты - Бөек Җиңүнең 70 еллыгы уңаеннан махсус әзерләнгән чарада катнашу. Китапханә хезмәткәрләре балаларга "Балалар язучылары - сугышта" дип исемләнгән әдәби-тематик чара әзерләгәннәр иде. Балалар очрашудан бик тулы, җылы кичерешләр  белән кайттылар. Шундый эчтәлекле очрашу оештырганнары өчен китапханә хезмәткәрләренә зур рәхмәтебезне җиткерәбез.

Зурлар группасы балалары рус һәм татар телендә мультфильнарны бик яратып карыйлар. Үзләренең яраткан мультфильмнарында алган тәэсирләрен  әти-әниләре белән берлектә рәсемдә чагылдыралар.

Без өйдә мультфильнар карарга, караган мультфильмнардан соң туган уй-тойгыларны рәсемнәрдә чагылдырырга бик яратабыз.