Бөек Җиңүнең 70 еллыгын билгеләп үтәргә дә санаулы вакыт калып бара. Мәктәпкәчә белем бирү учреждениесендә әлеге истәлекле вакыйга уңаеннан балалар  белән  патриотик тәрбия бирү юнәлешендә төрле чаралар,  тематик күргәзмә һәм почмаклар оештырыла. Шуларның берсен –  “Мәңгелек ут янында” дип атадык.

    На открытом занятии по русскому языку дети подготовительной группы отправились на поиски солнечных лучиков на облаках. Благодаря своим знаниям, выполняя различные занимательные задания, они сумели вернуть солнышку лучики, сделав тем самым доброе дело.

Мәктәпкә әзерлек төркеме балалары математика шөгылен бик яраталар. Тәрбияче апалары Елена Петровна аларны "мәсьәләләр иле" нә алып барды. Шулай кызыклы математик биремнәр, башваткычлар чишеп алар мәктәпкә укырга барырга әзерләнәләр.  

Табигатьтә яз хакимлек итә. Кара каргалар безнең якларга яз җитү хәбәрен алып килделәр инде. Тиздән сыерчыклар да килеп җитәр. "Без аларны каршыларга әзер инде" - диләр 2 нче кечкенәләр төркеме нәниләре. Аларның әтиләре бик матур сыерчык оялары ясап алып килеп сөендерделәр. Зур рәхмәт аларга!  

Уртанчылар төркеме балалары бүген дуслары - светофорга кунакка бардылар. Светофорның 3 төсе нәрсәне аңлатканын алар уеннар, җырлар һәм әкият аша ныгыттылар.

Физкультура инструкторы Айгөль Нурзадовна балаларда кечкенәдән спортны сөяргә, физкультура белән шөгыльләнергә теләк тәрбияли. 

Уртанчылар төркемендә  кызыклы эшчәнлек узды - танып белү шөгылендә балалар су һәм аның үзлекләре турында күп яңалыклар белделәр. Тәрбияче апалары Фәридә фәритовна бик мавыктыргыч тәҗрибәләр әзерләгән иде.  Иң мөһиме, балалар суның үзлекләрен тәҗрибәләр ясап үзләре ачтылар. Шөгыль тәрбияви яктан да файдалы булды, балаларга  суны сакларга, пычратмаска, юкка сарыф итмәскә кирәклеге турында үтемле фикерләр җиткерелде.

Белем бирү учреждениесендә  педагогларның узара йөрешүе,  тәҗрибә уртаклашу атналыгы дәвам итә. Мәктәпкә әзерлек төркеме балалары бүген ачык чарада үзләренең инглиз телендә алган белемнәрен матур итеп күрсәтә белделәр. Инглиз теле тәрбиячесе Айсылу Вакыйфовна аларны  “Буталчыклар иле” нә  сәяхәткә алып барды. Балаларның активлыгын, фикерләвен, мөстәкыйльлеген үстерүгә ярдәм итә торган эш алымнары бик уңышлы кулланылды. 

Белем бирү учреждениесенең 1 нче кечкенәләр төркеме балалары бүген тәрбияче апалары Раилә Рифовна белән  яз турында матур әңгәмә кордылар.  Алар язгы кояшның җылы нурлары белән уйнадылар, тиздән, бик тиздән безнең якларга очып кайтучы сыерчыклар турында сөйләштеләр. Ачык шөгыльдә булган педагаглар балаларның активлыкларына  уңай бәя бирделәр.