Җыелып җепшек кардан

Кар бабай ясап куйдык.

Матурлап аның күзләрен,

Авызын хәтта уйдык.

Нинди эш кушыйк аңа,дип,

Озак уйлап тордык та-

Каравылга дип калдырдык

Бер таяк тоттырдык та.

Юл йөрү кагыйдәләрен һәрдаим искә төшереп торабыз, уен- күнекмәләр барышында фикер алышабыз.

"Әдәп төбе-матур гадәт" проекты кысалыгында бакчабызда балалар, әти-әниләр катнашында кул эшләре күргәзмәсе оештырылды. 

Үзебез эшләгән уенчыклар белән уйнавы рәхәт тә сон.

Иске яңа ел белән сезне. Гомерләрегез шатлыклы, куанычлы, мул ризыклы булсын, сәламәтлектә узсын. Шатлыклы хәбәрләр, бәхетле көннәр узган елдагын да кубрәк булсын, күңелсезлекләр иске елда калсын.

Кыш бабай кунак булып килде , балалар күңелен күреп төрле уеннар уйнатты,бүләкләр таратты . Эх, рәхәт булды!

Тәҗрибә күрсәткәнчә, хәзерге вакытта белем бирү учреждениесендәге эшне әти-әниләрнең актив катнашыннан башка күз алдына китереп булмый. Балалар бакчасында әти-әниләрне тәрбия барышына катнаштыру, безнең белән бердәй тигез хокуклы итүгә юнәлтелгән. Балалар бакчасының, төрле-төрле алымнардан файдаланып, гаилә белән бергә эш итүе бала шәхесе үсеше өчен дә, аның әйләнә-тирәсендәгеләр өчен дә уңай шартлар тудыра.Әти-әниләр белән эшләгәндә без үзебездә тәрбияләнүче һәр баланың гаиләсе белән партнерлык мөнәсәбәте урнаштыру, әти-әниләрнең педагоглык культурасын арттыру, эшнең аеруча нәтиҗәле алымнарын эзләү һәм үзләштерү аша балалар бакчасы тормышында катнашуга җәлеп итү кебек бурычларны тормышка ашырабыз.Шул нисбәттән,"Хуш киләсең, Яңа ел!" проекты кысалыгында бакчабызда балаларыбыз, әти-әниләребез катнашында "Кыш бабай остаханәсе" кул эшләре күргәзмәсе оештырылды.

  Яңа еллар килсен бәхет алып,

  Яңа еллар килсен елмаеп,      

  Куңелләрдә мәңге  шатлык булсын,                                                  

  Яшәмәгез дуслар моңаеп.                                                                                                                                                         

Сагыныштык инде көтеп,

Тизрәк килче Яңа ел!

Яңа жырлар да өйрәндек,

Хуш киләсен Яңа ел!