Бүген мәктәпкә хәзерлек төркемендә тәрбияләнүче балалар "Куркынычсызлык айлыгы" кысаларында "Куркынычсызлык таҗы" исеме астында түгәрәк өстәл артында фикер алышты. Көн кадагында әйләнә тирәбездә килеп туарга мөмкин булган куркынычсызлык очраклары, әлеге очрак килеп туганда балаларның үз-үзләрен тоту кагыйдәләре аңлатылды.

Балаларны өйдә килеп туарга мөмкин булган куркыныч очраклар белән таныштыру, ситуациядән тормыш иминлегенә зыян китерми чыгу юлларын өйрәтү.

Мәктәпкә хәзерлек төркеме (Тәрбиячеләр: Акбирова Г. М., Гыйльметдинова Г. Р.)

Бүген бакчабызда күңелле итеп белем көне үткәрелде. Балаларны җырлар, уеннар, бүләкләр белән каршы алдылар. Махсус әзерләнгән фотозонада балалар әти-әниләре белән истәлеккә фотога төштеләр.

Уку елы башлану сәбәпле бүген бакчабызда тантаналы рәвештә Россия Федерациясе һәм Татарстан Республикасы Дәүләт флаглары күтәрелде.

Корбан гаете алдыннан Балтач үзәк мәчете балаларны гает күчтәнәчләре белән сөендерде.

Җиләк-җимеш, яшелчә
Сәламәтлеккә файда.
Суган, җиләк, кишер аша
Менә витамин кайда.
Бүген кече яшьтәгеләрнең 2 төркеме балалары тәҗрибә бакчасында җиләкне тышкы кыяфәте, зурлыгы, тәме буенча аерырга өйрәнделәр.
Тәрбиячеләр: Валиуллина Ф.Н.,Шакирова Г.М..

Бүген кечкенәләр төркемендә спорт күңел ачу иртәсе бик күңелле узды.Бу уеннар физик активлык, нәниләрдә кыюлык, өлгерлек, җитезлек кебек физик сыйфатлар тәрбияләү белән беррәттән, сабыйларның игътибарын арттыруга, хәтерләрен үстерүгә булышлык итә.
Тәрбияче: Хадиева Ч.М.

Кечкенәләр төркемендә тәрбияләнүче Гарифуллин Даниллар гаиләсе "Яшьләр көне" кысаларында уздырылган "Коляскалар парады"нда катнашып 1 дәрәҗә дипломга лаек булдылар. Котлыйбыз, горурланабыз! Балалар бакчасы белән даими хезмәттәшлек өчен рәхмәт белдерәбез!

Балалар бакчасында тәҗрибә эшчәнлеген оештыру һәр балага әйләнә-тирә дөньяны танып белергә һәм үзенең кечкенә ачышларын ясарга ярдәм итә. Җәй көне табигать балалар өчен гаҗәеп төрле  мохит тудыра. Алар үзләре өчен яңа дөнья һәм могҗизалар ача. Балаларда әйләнә-тирә табигать турында күзаллаулар формалаша, алар үзләренең күзаллауларын киңәйтә, уйларга, күзәтергә,нәтиҗәләр ясарга өйрәнә.                                                                                         Бүген уртанчылар төркеме балалары белән түтәлдәге сарымсакларны күзәттек,аларның укларын сындырдык.                                                                            Тәрбияче: Альмухаметова Г.Р.                                                                                                                                                                                               

Бүген бакчабызда "Спорт көне" узды. Кечкенәләр һәм уртанчылар төркеме балалары белән саф һавада уеннар оештырдык,спорт төрләре турында әңгәмә үткәрдек. Ярыш нәтиҗәләре буенча урыннар билгеләнде.                                                                                                                                                        Тәрбиячеләр: Альмухаметова Г.Р.,Чукаева М.Н.,Шамсутдинова А.Р.,Хадиева Ч.М.