13 нче апрель көнне 5 нче сыйныф укучылары арасында шигырь чыгару бәйгесенә нәтиҗә ясалды. Укучылар барысы да бик тырыштылар. Акбирова Нәфисәнең "Тукайга" шигыре барысыннан да мәгънәле, рифмаларның туры килүе белән аерылып тора. Нәфисәгә алга таба да иҗади уңышлар теләп калабыз. 

Салават Фәтхетдинов призына үткәрелгән ачык республикакүләм көрәш ярышында Аухадиев Ленар 1 нче урын, Тимербаев Айрат 3 нче урын яуладылар. Егетләрне әлеге зур уңышлары белән отлыйбыз! Алга таба да нык тазалык, уңышлар теләп калабыз!

12 апрель - Космонавтика көне. Классларда космонавтика көненә багышланган класс сәгатьләре үткәрелде.

11 нче апрель көнне 9 чны сыйныф укучылары Арча аграр көллияте вәкилләре белән очрашуда булдылар. Биредә уку йортының төп белем бирү юнәлешләре, сынау имтиханнары һәм тулай торак мәсьәләләре кузгатылды.
 

10 нчы апрель көнне 5 нче сыйныф укучылары татар халкының бөек шагыйре Г.Тукайның тормыш юлы һәм иҗаты буенча үткәрелгән викторинада, 2 командага бүленеп, көч сынаштылар. Бәйгедә "Шүрәлеләр" командасы көчлерәк булды, алар 30 сорауга төгәл җавап бирә алды.

Бу атна тулысы белән "Минем нәсел шәҗәрәм" дип исемләнгән Республикакүләм конкурска әзерлеккә багышланды. Укучылар үзләре әзерләгән кул эшләрен, хезмәтләрен тапшырдылар 

Бу атна вакыйгаларга бай булуы белән башланып китте. Бүген, мәктәбебездә Гүзәл Миннемуллина тарафыннан төрле түгәрәкләр алып баручы хезмәткәрләргә ачык дәрес күрсәтелде.