Мәктәбебез укучылары математика һәм тарих фәннәре буенча олимпиадаларның район турларында уңышлы чыгыш ясадылар.
6 нчы сыйныф укучысы Зиннәтуллин Исмәгыйль математика фәненнән җиңүче, 7 сыйныф укучысы Галимов Инсаф математикадан призер, тарих фәненнән җиңүче, 9 сыйныф укучысы Газизуллин Кәрим тарих фәненнән җиңүче.
Әлеге укучыларга һәм аларны әзерләгән укытучыларга рәхмәтебезне җиткерәбез.

Бөрбаш урта мәктәбенең 6 нчы сыйныф әти-әниләре район күләмендә үткән "Дус сыйныф серләре" бәйгесендә унышлы чыгыш ясап кайттылар. 

22 нче ноябрь - Сүзлекләр көне уңаеннан 5 нче сыйныфларда китапханәче - Венера Надиловна "Сүзлекләр иленә сәяхәт" дигән чара үткәрде. Чарада сүзлекләр тарихы, аларны төзүчеләр һәм сүзлекләрнең төрләренә тукталып, мәгълүмат бирелде.

8-11 нче сыйныф укучылары арасында Коррупциягә каршы хокукый турнир булып узды. Районнан килгән Балтач муниципаль районы җитәкчесенең коррупциягә каршы көрәш буенча ярдәмчесе Энҗе Фәритовна, Форпост җитәкчесе Фердинант Шәрипҗанович укучыларга истәлекле бүләкләр һәм грамоталар тапшырдылар.

Пенсия белемнәре көне уңаеннан Пенсия фонды хезмәткәрләре мәктәбебез укучылары өчен "День пенсионной грамотности" акциясе үткәрделәр.

11 нче сыйныф җитәкчесе Зөлфирә Зөфәровна "Язмышың үз кулыңда" темасына ачык тәрбия сәгате күрсәтте.
 

12, 13 нче ноябрь көнне 8 нче сыйныф укучылары инглиз теле, математика, тарих фәннәреннән мониторинг эшләделәр.
 

Бөек Җиңүнен 75 еллыгы уңаеннан район үзәгендә үткәрелгән “Кем, нәрсә, кайда?” бәйгесендә Бөрбаш урта мәктәбенең 11 нче сыйныф укучылары 1 урын яуладылар. Котлыйбыз!!!
 

“Туган ягым – яшел бишек” төбәкара фәнни-гамәли конференциясе нәтиҗәләре мәктәп сайтының тиңдәшле бүлегенә урнаштырылды.
Конференциядә катнашканучыларның һәммәсенә зур рәхмәтебезне җиткерәбез!