Уйнадык! Биедек! Йөгердек!

Беренче сыйныф укучылары тәрбия сәгатендә бөек рус шагыйре А. С. Пушкин иҗаты белән таныштылар

Бездә КЫШКЫ КРОСС! Барыгызны да көтеп калабыз.

Мәктәптәге иң ихлас, иң матур кичә - Очрашу кичәсе. Искиткеч рәхәт көн булды бу. Мәктәпне 10,20,30,40,50 ел элек тәмамлаган чыгарылыш сыйныф укучылары бик канәгать булып таралдылар. 

Кат-кат укып та туеп булмый торган, геройлары белән сөйләшеп утырасы килгән әсәрләрне укучылар да ярата. Бүген 7-8 сыйныфларда шундыйларның берсе - Фатих Хөснинең "Йөзек кашы" әсәре буенча китап укучылар конференциясе үткәрелде.

Бу атна башыннан мәктәпкүләм "Оборона-масса һәм спорт-сәламәтлек" айлыгы башланып китте. Укучылар тәнәфесләрдә шашка-шахмат, теннис уйныйлар, "Аҗаган"га әзерлек эшләре алып баралар.

Бүген - Холокост фаҗигасе корбаннарын искә алу көне. Укучылар шушы темага махсус тәрбия сәгатендә әлеге вакыйга тарихы, коточкыч фаҗига турында сөйләштеләр.

Авыл китапханәсе белән берлектә эшчәнлек дәвам итә. Бүген 5-6 нчы сыйныф укучылары "Ленинград блокадасы" турында тыңладылар, Таняның көндәлеге белән таныштылар, карточкага тигән кара икмәк кадере турында уйландылар.

"Туган телләр һәм халыклар бердәмлеге елы" кысаларында бүген 1-3 нче сыйныфлар өчен "Мин Роберт Миңнуллин шигырьләрен укыйм" дигән әдәби марафон үтте.

"Татар сүзе" бәйгесендә катнашып, Рәхмәт хатына лаек булган укучылар бүләкләнде.