Укытучылар һәм Өлкәннәр көне уңаеннан мәктәп коллективы ветеран укытучылар һәм хезмәткәрләрне дә бәйрәм белән котлап, хәлләрен белешеп кайтты.

Озак яшәгез, кадерле кешеләребез, бәйрәм белән!

Яраткан тәрбияче апаларыбызны котладык. Без сезне бик сагынабыз дип 1-2 нче сыйныф укучылары шигырьләр дә бүләк иттеләр.

Укучылар, әти-әниләр бик тырышып мәктәп ярминкәсенә әзерләнделәр. 

Туган телләр һәм халыклар бердәмлеге елы уңаеннан авыл китапханәсе белән берлектә эшчәнлек дәвам итә. Башлангыч сыйныф укучылары өчен бик матур һәм мавыктыргыч кичә "Бизәкләрдә - халкым тарихы" дип исемләнгән иде.

Бу уку елында беренче мәктәпкүләм әти-әниләр конференциясендә сүз уку, тәрбия, олимпиада, имтихан, ВПР, туклану һб бик күп мәсьәләләр буенча барды. ПДН инспекторы Ләйсән Газинуровна район буенча статистик мәгълүматларга тукталды, кич йөрү, велосипед һәм скутерлар, тәмәке тарту, террор һб турында аңлатты. Мәктәп администрациясе чыгышлары да бик эчтәлекле һәм кирәкле иде. 

Мәктәптә ЮИД - яшь инспекторлар үз эшчәнлеген башлап җибәрде, беренче сыйныф укучылары өчен Таныштыру дәресе үткәрде алар. 

Яңа Спорт мәйданчыгында беренче голны район башлыгы хөрмәтле Рамил Рәшит улы Нотфуллин һәм авылдагы барлык төзелеш объектлары, шул исәптән, әлеге мәйданчыкны төзүдә дә зур ярдәм күрсәткән Арбор күмәк хуҗалык җитәкчесе Хәмит Сәит улы Баязитов кертте.

Авылыбызда бүген тагын бер зур тантана булып узды: Спорт мәйданчыгы ачылды. Мәйданчыкны ачу тантанасында район башлыгы Рамил Рәшит улы Нотфуллин һәм башка бик күп кунаклар, мәртәбәле җитәкчеләр катнашты.

Бездә бүген ООО Арбор призына көрәш бәйгесе гөрли, район мәктәпләреннән җыелган 90 көрәшче көч сынаша