1 нче сыйныфлар бүген Әлифба белән хушлаштылар, әти-әниләрен чакырып һөнәрләрен күрсәттеләр, уңышлары, шатлыклары белән бүлештеләр.

Аҗаган уенының кульминацион ноктасы, әлбәттә, яшерелгән флагны табу. Ә аңа кадәр авылның төрле урыннарына яшерелгән "яшерен пакетларны" табарга кирәк. Кызык, кыскасы. Иң күңеллесе - ахырыда җыелышып коймак белән чәй эчү.

Безнең ЮИД - яшь инспекторлар йоклап ятмый, бүген иртәдән үк "Иминлек телим" акциясенә чыктылар. Иртәнге ыгы-зыгы вакыты бигрәк тә балалар бакчасы, мәктәп һәм кибет тирәсендә була. Димәк, әти-әниләр, өлкәннәргә дә тагын бер кат иминлек кагыйдәләрен исләренә төшерү бик мөһим. Яшь инспекторлар киңәшләр бирделәр, балаларның тиешле урында, махсус креслода булуын, иминлек каешлары эләктергәнме, юкмы икәнен тикшерделәр, белешмәлекләр тапшырдылар. Барыбыз да сәламәт булыйк. Юллар - имин, көннәр - аяз, илләр - тыныч булсын! Балачак бәхетле булсын!

Халыкара Туган тел көне. Шул уңайдан сыйныфларда әдәби викторина һәм КВН үткәрелде.

23 нче февраль бәйрәме алдыннан 5-9 сыйныф кызлары егетләрне бәйрәм белән котлап, бәйрәм кичәсе үткәрделәр.

8 нче сыйныф укучысы Зиннәтуллина Нәркизә әйдаманнар конкурсында катнашып, икенче урынга лаек булды. Котлыйбыз!

Бүген башлангыч сыйныф укучылары өчен "Аҗаган", ягъни Мальчиш-Кибальчиш уены үтте. И ярышлар кызыклы булды да соң!!! Безгә бик ошады.

Егетләр кичәсен кызлар кызыклы итеп оештырган иде, уйнадык та, җырладык та, чәй дә эчтек. Әлбәттә, бүләкләр дә булды. Дискәтүк тә ясадык. Рәхмәт, кызлар!

Бу атнаның тагын бер зур вакыйгасы - 2-9 нчы сыйныф укучылары инглиз телендә диктант язды. 

Укытучылар Спартакиадасы кысаларында волейбол командасы зона турында 2 нче урын яулады.