"Мөһим эшләр турында сөйләшүләр" (Разговоры о важном) циклы кысаларында бүген укучылар К.Э. Циолковский турында өйрәнделәр.

Бүгенге әңгәмә сәгатендә ("Разговоры о важном") укучылар космоска очу аппаратлары, аны өйрәнү, яулау тарихы белән таныштылар.

Бүген мәктәп кунаклар кабул итте: ООО "Арбор" призына көрәш бәйгесе үткәрелде. Йөзгә якын көрәшче бу уку елындагы беренче ярышта бил алышты.

Балалар куркынычсызлыгы айлыгы планы нигезендә 5-9 сыйныф укучылары арасында мини-футбол ярышы үткәрелде. Чараны физик тәрбия укытучысы Галимов И.М. оештырды.

"Россия - безнең ил" темасына багышланган "Мөһим әйберләр турында сөйләшү"не 5-7 нче сыйныф укучылары белән Ләйсән Рәшид кызы үткәрде.

Тормыш  иминлеге нигезләре укытучысы  Галимов И.М. укучыларга куркынычсызлык буенча ачык дәрес үткәрде. Шулай ук бу көнне эвакуация дә үткәрелде.

Быелгы уку елының яңалыгы - бүгеннән мөһим темалар буенча сөйләшүләр башланып китте. Һәм бу алга таба да һәр дүшәмбе шулай үткәреләчәк. Бу атнада сыйныф җитәкчеләре укучылар белән Белем бәйрәме, көне турында фикерләштеләр.

Мәктәбебез 2022-2023 нче уку елында  "Диктант Победы" акциясен үткәрү өчен мәйданчык итеп билгеләнде. Шушы уңайдан бүген бу чарада актив катнаштык.

3 сентябрь - терроризмга каршы көрәш көне. Шул уңайдан барлык укучылар "Тормыш тамчысы" ("Капля жизни") акциясендә катнаштылар. сыйныф җитәкчеләре тәрбия сәгатьләре үткәрде. 

Бәйрәм белән барыбызны да!

Быел мәктәбебез бусагасын беренче тапкыр атлап керүчеләргә  - 1 нче сыйныф укучыларына уңышлар телибез!