Бүген безнең чыгарылыш сыйныф укучылары белән очрашуга Норма лицее вәкилләре килде, уку йорты турында мәгълүмат бирделәр.

Спорт һәм сәламәтлек айлыгы кысаларында узучы традицион ярышларның берсе - "Замана балалары" - егет-кызларның көч, тизлек, җитезлек һәм зирәклектә сынала торган бәйге. Бик күңелле үтте ул. Ике команда да тырышып ярышты.

Замана балалары бәйгесендә иң яхшы күрсәткечләргә ирешкән укучыларны, шулай ук рәсем түгәрәгенә йөрүче Сәитне зур уңышлары белән котладык.

Бүген бездә Хәрби җырлар бәйгесе узды. Һәр сыйныф укучылары тырышып әзерләнгән, 

Иң тату, дус, иҗади сыйныфның әти-әниләре дә шундый ук! Быел "Иң тату сыйныф серләре" бәйгесендә 8 нче сыйныф әти-әниләре катнашты. Аларның сөенечле нәтиҗәләргә ирешүләрен телибез.

1 нче сыйныфлар бүген Әлифба белән хушлаштылар, әти-әниләрен чакырып һөнәрләрен күрсәттеләр, уңышлары, шатлыклары белән бүлештеләр.

Аҗаган уенының кульминацион ноктасы, әлбәттә, яшерелгән флагны табу. Ә аңа кадәр авылның төрле урыннарына яшерелгән "яшерен пакетларны" табарга кирәк. Кызык, кыскасы. Иң күңеллесе - ахырыда җыелышып коймак белән чәй эчү.

Безнең ЮИД - яшь инспекторлар йоклап ятмый, бүген иртәдән үк "Иминлек телим" акциясенә чыктылар. Иртәнге ыгы-зыгы вакыты бигрәк тә балалар бакчасы, мәктәп һәм кибет тирәсендә була. Димәк, әти-әниләр, өлкәннәргә дә тагын бер кат иминлек кагыйдәләрен исләренә төшерү бик мөһим. Яшь инспекторлар киңәшләр бирделәр, балаларның тиешле урында, махсус креслода булуын, иминлек каешлары эләктергәнме, юкмы икәнен тикшерделәр, белешмәлекләр тапшырдылар. Барыбыз да сәламәт булыйк. Юллар - имин, көннәр - аяз, илләр - тыныч булсын! Балачак бәхетле булсын!

Халыкара Туган тел көне. Шул уңайдан сыйныфларда әдәби викторина һәм КВН үткәрелде.

23 нче февраль бәйрәме алдыннан 5-9 сыйныф кызлары егетләрне бәйрәм белән котлап, бәйрәм кичәсе үткәрделәр.