Көрәш беткәч уеннар башланды, һәркем үзенең осталыгын күрсәтте: кемдер җырлады, кемдер биеде, аркан тартышу, капчык киеп йөгеру, чиләк белән су ташу, аркан тартып көч сынашулар, кашыкка йомырка салып йөгерүләр һәм тагын бик куп татар халкының милли уеннары уйналды ... Бөтен җирдә − уен-көлке, шаярулар, бертуктаусыз музыка яңгырады. Беркем дә читтә калмады, беркем дә бүләксез китмәде. Шулай итеп, бәйрәм бик күңелле узды. Балаларның да, әти-әниләрнең, әби-бабайларның күңелләре күтәренке булды. Быелгы бәйрәмгә күрше "Алтын ачкыч" балалар бакчасыннан да кунакка сабыйлар чакырылды, аларның да уеннарда катнашуларын күзәтү дә кызыклы иде. Балалар күңелендә бәйрәм турында онытылмаслык хәтирәләр калды. Бәйрәмне оештыруда ярдәм иткән тәрбиячеләргә һәм әти-әниләргә зур рәхмәт!