19 октябрь көнне безнең балалар бакчасында "Көз бәйрәме" булды. Балалар мул уңыш алу серләрен, хезмәт сөючәнлек, икмәк кадерен чагылдырган шигырьләр сөйләделәр. Бәйрәм көз турындагы җырлар, яфраклар һәм гөмбәләр биюләре белән үрелеп барды.

Уңыш, муллык бәйрәме уңаеннан бакчабызда "Без үстердек яшелчә..." исеме астында фотокүргәзмә оештырылды. Монда балаларның яшелчәләр һәм җиләк-җимешләр фонында төшкән кызыклы фотосурәтләре урын алды. 

Балалар белән Түбән Көек авылында урнашкан "Шәфикъ чишмәсе"н күреп кайттык. Чишмә тарихы белән таныштык. Тирә-юньнне, урамнарны, инешне күзәттек.

2 нче октябрь көнне комбайн-тракторлар паркына, ындыр табагына экскурсия ясадык.  Авыл хуҗалыгы агрегатларын карадык. Комбайннарны кышка әзерләүне, амбарга икмәк бушатучы машиналарны күзәттек.

1 нче октябрь - Өлкәннәр көне. 
Көзләр җитте диеп моңаймагыз,
Мәңге горур булып калыгыз.
Кояш кебек янып яшәгез сез,
Йолдыз булып балкып яныгыз!

24 сентябрьдә көзге табигатькә экскурсия ясадык. Агачларны, кошларны, һава торышын күзәт

17 сентябрь көнне "Китап - белем чишмәсе" темасына сөйләм телен үстерү шөгыле бакчабыз белән бер бинада урнашкан авыл китапханәсендә узды. Балалар беррәттән яңа китаплар һәм журналлар белән дә таныштылар.

12 июль көнне бакчабызда полиция хезмәткәрләре булып киттеләр. Алар белән тагын бер юл йөрү һәм велосипедта хәрәкәт итү кагыйдәләрен, автомобильдә бары тик махсус утыргычта гына утырырга кирәклеген искә төшердек. Кунаклар балаларга истәлек-кулланмалар өләштеләр, бакчабызга юл билгеләре җыелмасы һәм пазллар бүләк иттеләр. Очрашу күңелле тәэсирләр калдырды.

"Сабан туе, Сабан туе,
Без бакчада уйныйбыз.
Ярышабыз, узышабыз, 
Матур җырлар җырлыйбыз.
Иң өлгерләр, иң җитезләр
Бүләк яулап алалар.
Бөтен җирдән җыелганнар
Сабантуйга балалар."
25 июнь көнне бакчабызда Сабантуй бәйрәме булып узды.

1 нче июнь - Балаларны яклау көне. Балалар сау-сәламәт һәм бәхетле булсыннар!