Балаларны кече яшьтән үк хезмәткә өйрәтү безнең бурыч, кечкенәләр төркеменә йөрүче балалар белән чәчәк орлыкларын бергәләп җыйдык, аларның да күңелләре булды, без дә шатландык. 

Ә менә зурлар белән уенчык шкафларының тузаннарын сөртеп, уенчыкларны тәртипләп тезеп куеп үзебезнең күңелләргә шатлык алдык. Балаларда уенчыкларга карата сак караш ярату хисләре тәрбияләү төп максат булып тора.

Бездә бүген кунак булып китте-участок инпекторы Сабиров Фәнил.  Фәнил Фаритович балаларга урамда үз-үзенне тоту, урам аша тиешле урыннан чыгу кебек иң мөһим кагыйдәләрне аңлатты. Бу очрашудан балалар бик канәгать калдылар.

Бакчабызда шаулап гөрләп өлкәннәр көне үзды. Бәйрәмдә балалар яраткан әби бабайларына җырлар, шигырьләр, биюләр бүләк иттеләр. Өлкәннәр исә, үз чиратында бәйрәмнән ләззәт алып кайтып киттеләр.

Балаларда якыннарына, әти- әниләренә карата кайгыртучанлык, игътибарлылык сыйфатлары тәрбияләү максатыннан сөйләм үстерү эшчәнлегендә татар халкының "Өч кыз" әкиятен сәхнәләштердек. Балалар әлеге эшчәнлектән бик тә кәнагать калдылар чөнки аларның артислык сәләтләре дә ачылды.

Безнең балалар бакчасының    алма бакчасы бар. Анда берсеннән берсе тәмле алмалар үсә. Бүген  ул алмалардан балалар да авыз итте.